星級餐廳 (已結業)

大角咀唐樓區有好多野食，嫌大商場食店單一，今晚就走左去大角咀利奧坊，系#星級餐廳 打邊爐食個雞煲。雙重享受一番。醬料基本有葱、炸蒜、蒜蓉、芫茜、辣椒、麻醬，應有都有，而且有蓋都幾衛生，可以按自己既口味調配。麻辣惹味雞煲屬於小辣，辣度恰到好處，好惹味！唔多食麻辣既我都覺得好正！雞肉咬落肉質嫩滑，啖啖肉，入曬味！芫荽皮蛋湯底羊肩卷肉、牛板鍵、牛小扒、豬梅肉食完雞煲就開始打邊爐，肉類厚薄適中，牛板鍵口感嫩滑軟腍，帶小小嚼勁，食落去牛味都算濃郁，帶有小小雪花，整體肉類質素也確實唔錯。芝麻雞翼、台式原味香腸、香芋地瓜丸、吉列蠔、辣味薯角、雞皮餃子、忌廉蟹肉薯餅估唔到食雞煲都有台式小食供應。蝦滑、墨魚滑、花膠、帆立貝、海鱸魚片煮熟後蝦滑好彈牙，唔會話食到好粉，而帆立貝即使淥左咁耐都係咁有彈性，係真材實料。香蕉朱古力牛角窩夫，北海道牛乳雪糕球，意大利咖啡雪糕球牛乳雪糕球咖啡味道香濃，香口牛角窩夫配上香滑雪糕，用心製作，各分秋色。