影片
港铁奥运站 C1 出口, 步行约6分钟
继续阅读
营业时间
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
讲咗好耐嘅饭局，终于成事😊 嚟到 #奥运站，沿住商场指示，再经过新旧交替嘅小街，好快就到达我哋嘅目的地「星级餐厅」🤩 餐厅环境比传统火锅店简洁清静，用餐区除咗设有小圆枱适合三五知己去gathering之外，旁边嘅卡位就最啱 #小秘书 同朋友仔撑枱脚🤪 留意到老板最近请多咗几个「小鲜肉」座阵，殷勤嘅招待，不知氹得班姐姐同哥哥几开心😚讲返正题，嚟得帮衬，梗系要吃个饱😉 我哋点咗个C餐，除咗 #鸡煲，仲有 #任饮任食 嘅 #火锅配料、#啤酒汽水、#小食 同埋 #甜品 😚 佢哋单系肉嘅类选择都唔少，有 #美国牛小排、#澳洲牛板腱、#日本豚肉片 同埋 #纽西兰羊肉卷，啱晒一班食肉兽😆 先上枱系🐣热辣辣嘅鸡煲🤩 BB辣嘅鸡煲加埋芫荽同蒜子一齐炒，鸡肉鲜嫩得嚟特别惹味😚至于火锅方面，我哋要咗 #椰子鸡 做汤底，充满椰香嘅汤汁放入 #杞子、#红枣，闻起嚟已经够晒滋补🤤 牛小排、牛板腱肉味香浓，加埋 #小秘书 亲手炮制嘅酱汁一齐入口，零舍滋味🤤 不过要回本嘅一定要试晒佢哋嘅 #墨鱼滑、#虾滑，仲有 #花枝滑，每一款食材都系真材实料，啖啖海鲜♥️非常鲜味，绝对唔系面粉团之作😉 出面嘅自助吧仲有无限嘅肉丸、火锅料、即食面… 任君选择，真正可以吃个饱😊另外服务员仲会即场为我哋调教特式饮品，呢日我哋就点咗杯 #蝶豆花特饮，最惊喜嘅系服务员用食用嘅材料，喺杯上吹咗个气球做点缀，可以话系视觉同味觉嘅享受集于一身呀😉 最后不得不提系佢哋嘅自家制甜品，尤其系 #即制嘅窝夫 拼 #雪糕，窝夫脆口充满牛油香，真系好食到唔停得口😚呢晚我哋真系非常满足♥️ 有机会一定会带埋屋企人一齐嚟开心吓啫🥳📍 星级餐厅 (大角咀)利得街11号利奥坊1楼1503 & 1504号舖
继续阅读
临近佳节，加上天气开始转凉，决定揾一间任食餐厅，边食边享受佳节。上网揾咗一轮，见到呢间<星级餐厅>，可以任食鸡煲加火锅，价钱又合理，所以决定试试。今次拣咗火锅餐Set C，可以任食鸡煲加无限牛小排、牛板键、豚肉同羊肉片，重点系炸物、雪糕、甜品、饮品同啤酒都任食任饮！我地二人被安排坐四人卡位，坐得非常舒适，而且有两个炉，一边放火锅，另一边就放鸡煲。鸡煲使用了新鲜的鸡肉同多种香料慢火煮制而成。由于鸡肉一早已经煮熟，所以加热五分钟左右就食得。味道方面，鸡肉鲜嫩多汁，加埋各种香料的结合，让每一口都充满了层次感，而且煲内加入了葱同芫茜等，令成个鸡煲特别惹味。虽然我地拣咗唔辣，但味道一样浓郁，唔需要加任何酱料，味道已经非常出色。而椰子火锅系呢间餐厅的另一个惊喜。整个火锅使用了新鲜椰子作为汤底，一煲热就闻到阵阵的椰香味。放火锅材料前我都钟意先饮下个汤底，味道非常清甜，令我忍唔住饮咗两碗汤底 ！火锅食材方面，我最钟意牛小排，每一块牛肉质鲜嫩，入口即溶，食完仲有淡淡既牛肉香味停留口内。而朋友就钟意食牛丸，食落爽口弹牙，而且非常多汁，第一口咬开时仲唔小心爆左d肉汁出来！至于其他火锅的食材都非常新鲜，无论是海鲜还是肉类，都非常高质，加上清甜既椰子汤底，每一口都感受到椰子的自然甘甜，让整体味道更加丰富。甜品方面，非常推介雪糕窝夫，窝夫即叫即整，食落非常脆口，完全拍得住出面甜品店的质素，所以我同朋友都不停叫咗几次雪糕窝夫！呢间餐厅环境舒适，食物选择多，加上价钱唔贵，如果有家人朋友生日，仲有额外优惠，下次一定会再来！
继续阅读
呢几日天气又开始冻，啱哂打边炉！放假同朋友去左大角咀利奥方，而家多咗好多新嘅餐厅！今次同朋友去到一间星级火锅放题🤩我哋叫咗个芫荽汤底做火锅、再叫咗个惹味鸡煲辣辣地好正🙌🏻仲可以无限追加鸡肉！一次享受咗两种唔同嘅煲左边鸡煲右边打边炉🍲多款唔同汤底、例如冬阴功、椰子鸡、麻辣、芫荽皮蛋、浓口猪骨、蕃茄薯仔汤我地点呢个套餐牛小排，牛板腱、豚肉片、羊肉片，全部都系任食嘅火锅配料同埋海鲜配料！都系好新鲜！呢个火锅放题系120分钟！用肉类质素种类同埋食品都好多，另外配料都有好多选择啦有各式各样嘅蔬菜、丸类、面等等佢哋嘅熟食都非常之推介有好多款炸物全部都系新鲜炸脆卜卜饮品甜品自助吧就更加有诚意有各式各样嘅韩式饮品🥤同埋有支装嘅汽水另外佢哋个雪柜差唔多有10几款日韩嘅雪糕最有诚意嘅就系仲可以喺厨房Order佢哋自己整嘅特调饮品同埋窝夫雪糕真系任饮任食到饱啊星级餐厅大角咀利得街11号利奥坊1楼1503&1504号舖
继续阅读
早几日跟朋友去食晚饭，个个都认为打边炉，系一个吹水嘅好地方，围埋一齐聚一聚。喺大角咀呢边，揾到一间放题#星级餐厅 ，主打鸡煲&火锅，鸡煲仲可无限追加！仲可扫QR code 落台湾小食，适合聚会用餐嘅地方。🐥鸡煲 (可无限追加)对于唔食得太辣，又想过下瘾嘅我哋，bb辣度就岩岩好，够晒惹味香浓。鸡件够嫩滑🐔推荐！✅美国牛小排，牛板键，豚肉片，羊肉片豚肉片渌左咁耐都仲系咁大块，肉质鲜嫩依然有弹性，牛小排油花分布平均，入口满满牛肉香味。✅白菜猪肉饺子✅象拔蚌片超爽口，值得encore👍🏻✅火山爆浆牛肉丸海鸭蛋流心虾球✅墨鱼仔（件）口感有弹性，好好味。✅虾滑花枝滑虾滑食得出好真材实料，入面有哂粒粒虾，唔系好粉无哂口感。✅意大利咖啡雪糕球&北海道牛乳雪糕球&朱古力雪糕球新鲜食材，全部都系任食到饱，非常推荐大家嚟试下！！
继续阅读
差唔多新年天气开始冻🥶最啱就一定系打边炉!依家香港兴打边炉之前一定系食咗鸡煲先🐔但系通常鸡煲都系只可以叫一次，然后就一定要变做打边炉今次比我揾到呢一间劲正！除咗鸡煲可以任叫之外，仲可以左边鸡煲右边打边炉🍲打赢咗99.9%嘅火锅舖😆啱晒一班人食，又唔使纠结鸡煲叫唔叫多一煲好！依间升级火锅任食放题有Set A-E，最平都只系$188。今次我就叫咗Set C，两个钟可以任食！鸡煲食咗两煲🤣叫咗大辣都几过瘾!好少何见鸡煲入边会有菇，想讲劲入味好好食！火锅就叫咗椰子鸡，啲鸡仲要自己放落去～自己睇住个火，唔使惊啲鸡老得滞！汤底比较淡，不过烚烚吓啲嘢食加埋落去就啱啱好。C餐有美国牛小排，澳洲牛板键，日本豚肉片，纽西兰羊肉卷可以任点～最钟意系牛小排，肉质鲜嫩，非常适合喜欢肉感的人！然后配料同埋嘢饮都系可以出去任拎👍🏽火锅配料全部都好新鲜，仲估唔到会有冰菜食🥬饮品方面佢哋啲自家整嘅茶都好唔错！同埋见到可乐系一支支嘅玻璃樽🥤忍唔住拎返支嚟饮! 另外QR code仲可以叫到其他唔同特别嘅嘢～除咗有唔同嘅果汁梳打外，仲可以叫炸物同埋其他海鲜🐟同埋唔少得甜品都可以叫窝夫食！选择困难症嘅我，就梗系行出去雪柜度，拎埋其他雪糕雪条🤣仲要有啲款系未见过！性价比劲高！
继续阅读