花宵 (已結業)

星期日係開心的日子，例必出外吃餐好，今日中午搵到花宵，日式居酒居模式，乜嘢都有得食，刺身壽司串燒走不了，不過中午胃口不大，諗住簡單點個丼，原來有好多嘢食，份量仲唔少。先上番茄生菜沙律及日式蒸蛋，三片番茄多汁新鮮，最重要有和麻醬，發揮魔法令生菜沙律變得好好味。日式蒸蛋有料啲，面頭有菇片，裏面食到豬肉及海鮮肉，夠滑。主角來了我叫了蒲燒鰻魚丼，有三大塊鰻魚，見到個様微焦都知道燒得香，肉質非常軟熟，用豐富的鰻魚汁醃，味道很濃郁，鹹甜美都重。飯上面有蛋絲，少少很幼的紫菜絲，白飯係好軟熟好白的，係人見到都想食。無跟甚麼蘿蔔或漬物，只配麵豉湯，熱辣辣味道好，唔錯。食得好飽。佈置日式，繪圖醒神。午市定食一般百多元，算合理，計埋份量就是抵食。