基地叁 (已結業)

星期六同友人想飲個happy hours,經過尼間基地叁樓下，於是即刻上openrice 睇吓食評，睇相見佢D裝修都幾新淨，於是即刻用八八折book位，坐𨋢入到餐廳，可能太早仲未有客，我哋兩個女仔竟然係包場🤭叫咗一支紅酒🍷，嗌少少嘢送酒，order咗個凱撒沙律配風乾火腿🥗，啲火腿少少鹹幾好味，仲有隻溫泉蛋添🤭，基地pizza，自選三款口味，我哋就試吓煙燻豬面肉、辣肉腸同埋野菌，熱辣辣送到枱面，仲有拉絲架，賣相都幾好😋。最後試埋餐廳推介嘅基地雞鎚🍗又真係幾惹味喎，我哋坐咗兩個鐘都冇趕我哋走，埋單仲有全單八八折✌🏼旺角嘅星期六仲想點🤭