黑木亭居酒屋 (金馬倫道)

逢星期六，又係搵好嘢食嘅日子，今次我就試佐尖沙咀日本餐，喺金馬倫道容易搵，座位都舒服，仲見到佢嘅週末二人餐（$398）價錢都合理，有泡菜豚肉鍋，我又想食辣嘢，我朋友又要食日本煱物，啱晒我哋。三點刺身三文魚、八爪魚、油甘魚油甘魚，魚油好香。鰻魚牛蒡炸蝦卷呢個好食，入邊仲有啲豬肉鬆，加埋牛蒡同鰻魚，好鍾意食。喜燒煱牛肉定食配烏冬兩個鍋物都好大，雖然係lunch set，一啲都唔馬虎，牛肉夠淋，豆腐滑滑，喜燒湯，甜甜地，好飲。泡菜豚肉豆腐煱豚肉係半肥瘦，加埋啲泡菜湯，好好飲，辣辣地，送飯一流，仲有好多菜底。飯後甜品，仲有雪糕。