影片
更多
2018-08-13
47 浏览
一早買左飛去睇Tim Cruise，睇戲之前我地約埋朋友仔一齊去食放題，睇Openrice餐廳有215個like，唔使諗即刻去！我地12:30上到去，第一眼就望到兩個雪糕櫃，正！先叫左d刺身先，三文魚厚身，呢個連皮既，皮好滑播！象拔蚌同榮螺片刺身都好爽口，質地又滑。北海道帶子刺身白雪雪，質地好軟熟柔滑，晶瑩剔透，蟹棒唔同一般超級市場買到嗰叫d，呢d比較滑d。壽司我地叫左好多，黎到都嚇一嚇，全部都係手握壽司，三文魚壽司既三文魚比較薄，更加容易食到醋飯香味，吞拿魚色澤一般，但係味道不錯，有魚油味。有黑松露壽司喎，我地每款都有叫，黑松露雖然只有少少，但係已經有豐富既黑松露香味，珍寶帶子壽司既帶子較為厚身，味道好香滑，油甘魚壽司一入口時帶點澀味，但係細味之下魚油味就散出黎，煙三文魚是煙薰過的，算是半全熟的三文魚，熟的三文魚有時會有點鞋口，但呢個半生熟仲係好滑，入口融化，比起上黎我比較中意煙三文魚呢！之後就試下熟食，熟食種類都好多，有泰式、西式、日式。我地見到有燒廣島蠔，估唔到Lunch Time都可以食到蠔，黎到有d驚訝，因為原來係無殻的，只有蠔肉，不過都好唔使拆肉都幾方便，廣島蠔係連埋芝士一
有黑松露壽司喎，我地每款都有叫，黑松露雖然只有少少，但係已經有豐富既黑松露香味，珍寶帶子壽司既帶子較為厚身，味道好香滑，油甘魚壽司一入口時帶點澀味，但係細味之下魚油味就散出黎，煙三文魚是煙薰過的，算是半全熟的三文魚，熟的三文魚有時會有點鞋口，但呢個半生熟仲係好滑，入口融化，比起上黎我比較中意煙三文魚呢！
之後就試下熟食，熟食種類都好多，有泰式、西式、日式。我地見到有燒廣島蠔，估唔到Lunch Time都可以食到蠔，黎到有d驚訝，因為原來係無殻的，只有蠔肉，不過都好唔使拆肉都幾方便，廣島蠔係連埋芝士一齊焗的，芝士加上Cream都幾好味。燒牛舌係我既最愛，幾好播，竹簽都唔使用，已經係放好兩片咁上，略帶少少厚，但唔會燒到好乾身，仲好Juicy！燒羊架真的令我嘆為觀止！因為好大塊呀！！我完全未見過咁大塊羊架！羊架上啖啖肉，肉大約都有8成熟，但仍帶點血色，羊架上的肥膏好肥美！
滿足的放題，正呀！
张贴
