影片
更多
2023-02-28
834 浏览
就快到生日月, 其實人大咗, 對於生日已經唔再同以往一樣咁著緊, 有人慶祝固然欣喜, 沒有的也淡淡然, 或許這就是長大的象徵, 或者也是老的象徵, 不過朋友總是對我好好, 會默默的為我安排慶生, 簡單但是開心的, 朋友話生日要食好D, 所以帶我黎食呢間連續幾年獲米之蓮推介的Omakase食lunch，我仲未研究到想食乜既時候，朋友就已經發辦話食佢地既Executive Omakase， 都啱既，一場黎到梗係要試吓佢地既Omakase啦~ <先付> 今次既前菜主打係毛蟹, 因為而家當造, 我梗係好開心啦, 因為我最鍾意食就係蟹~ 🥢蟹膏味噌豆腐配毛蟹蟹肉/高糖番茄配淡雪鹽/ 螢光魷魚天婦羅 將毛蟹蟹膏加上味噌再整成豆腐，口感細滑，蟹膏味道出眾，然後配埋毛蟹肉，一啖一口，先清後濃，成個口腔都係蟹味。 之後再吃中間的高糖番茄，清一清口腔，高糖番茄味道清甜，似生果多D，加埋淡雪鹽，更突顯個甜味。 螢光魷魚平時多數係食漬物，口味比較重，但今次就以天婦羅手法去處理，輕輕以天婦羅炸過的螢光魷魚，外脆內軟，雙重口感，幾特別😋 🥢北海道毛蟹 手拆北海道毛蟹肉，加埋蟹膏
朋友話生日要食好D, 所以帶我黎食呢間連續幾年獲米之蓮推介的Omakase食lunch，我仲未研究到想食乜既時候，朋友就已經發辦話食佢地既Executive Omakase， 都啱既，一場黎到梗係要試吓佢地既Omakase啦~
<先付>
今次既前菜主打係毛蟹, 因為而家當造, 我梗係好開心啦, 因為我最鍾意食就係蟹~
🥢蟹膏味噌豆腐配毛蟹蟹肉/高糖番茄配淡雪鹽/ 螢光魷魚天婦羅
將毛蟹蟹膏加上味噌再整成豆腐，口感細滑，蟹膏味道出眾，然後配埋毛蟹肉，一啖一口，先清後濃，成個口腔都係蟹味。
之後再吃中間的高糖番茄，清一清口腔，高糖番茄味道清甜，似生果多D，加埋淡雪鹽，更突顯個甜味。
螢光魷魚平時多數係食漬物，口味比較重，但今次就以天婦羅手法去處理，輕輕以天婦羅炸過的螢光魷魚，外脆內軟，雙重口感，幾特別😋
🥢北海道毛蟹
手拆北海道毛蟹肉，加埋蟹膏，微暖的蟹肉配埋蟹膏，香氣撲鼻，新鮮鮮甜，完全唔需要額外調味，蟹肉鮮味已經好足夠🤤
<旬>
四款刺身
🥢北九州長崎縣小長井真蠔
師傅準備咗係北九州䫀真蠔比我地食，配以辣椒蘿白蓉及柚子檸檬酸汁，加海葡萄，呢個時間既真蠔味道清新，口感清爽，配以清新的柚子檸檬汁好夾，與海葡萄的爽脆一齊食，增 加口感的層次。
🥢北九州博多銀鱈魚刺身
平時食銀雪魚都是以西京燒形式比較多，但今次新鮮的銀鱈魚以刺身形式，師傅以火炙形式去燒一燒魚皮，迫出銀鱈魚魚油香味，魚肉細滑，油脂豐腴卻不膩。簡單配以山葵，及醬油昆布漬提味，食落帶有紫菜香。
🥢藍鰭吞拿魚 （赤身）
今次食既係愛媛縣的大善吞拿魚，先吃赤身的位置，赤身脂肪較少，色澤紅潤，魚味濃郁，少筋，口感棉密。
🥢藍鰭吞拿魚大拖羅
之後便是較濃味的大拖羅，同樣是來自愛媛縣的大善藍鰭吞拿魚，位於腩位位置的大拖羅，色澤淡粉紅，油脂豐腴，師傅亦以火炙的手法去燒一燒大拖羅，將魚油脂迫出，味道更甘香，入口即溶。
<一品料理>
🥢甘鯛立鱗燒
餐廳的皇牌料理，將來自日本豐後水道的甘鯛連魚鱗一起炸，上枱時熱焫焫，魚鱗就好似薯片一樣咁脆，而魚肉則彈牙有口感。
<壽司四貫>
所有壽司飯都是赤醋飯，配合香港人的飲食口味，更加健康。
🥢松葉蟹壽司
🥢帆立貝壽司
配以檸檬岩鹽，提升帆立貝的鮮味，而貝柱就以火炙然後再掃上醬油，增加香味。
🥢金目鯛壽司
以火炙的方式處理，提升魚油香味，再配以柚子胡椒提鮮。
🥢牡丹蝦散壽司
將蝦頭的蝦膏挖出再用火燒至medium rare，蝦膏香味立即湧出來，配上爽口鮮甜的牡丹蝦，濃郁與清甜一次過品嚐。
<外加海膽>
餐廳出名海膽，不是一般的海膽，而是拍賣級別的海膽，一場黎到當然要試吓，海膽是另加的，不包括在set 內的~
🥢馬糞海膽
來自北海道根室馬糞海膽，配以手卷食，餐廳連配搭一起食的海苔都精挑細選，以配搭出最佳味道；呢隻海膽味道非常清甜純粹，好鮮美。
🥢馬糞海膽（第一拍賣，第2級別）
然後再試再高級一點的，就是第一拍賣市場第2級別的馬糞海膽，色澤較深邃鮮明，顏色勻一，而味道亦明顯較濃郁，尾段有清香餘韻，因為再高級D，所以師傅建議我地只直接食用，或者配以一小塊的海苔去品嚐，而我都覺得就咁食最正，味道食得再真確D，海膽的清甜餘韻一直留在口腔。
<蓋物>
最尾一道菜是魚湯，師傅細心地詢問是否需要加烏冬，雖然已經好飽，但覺得魚湯還是要配一點點的烏冬的。魚湯濃郁鮮甜，湯身濃厚，配以彈牙稻亭烏冬，食完成個人都暖笠笠🤤
<水菓子>
靜岡蜜瓜，清甜潤喉
<清酒>
食Omakase 梗係要配下清酒，因為唔熟，所以直接叫餐廳經理介紹，餐廳經理因應我地的口味，選了一支越乃雪椿純米大吟釀比我地，口感清爽，味道清純，唔太濃烈，好適合女士飲用，為這一餐Omakase 畫龍點睛🫶🏻
<Suprise>
因為朋友訂枱時有remark 是慶祝生日, 餐廳好Sweet 送上小小的大阪直送心太軟作生日蛋糕，朱古力味濃郁但唔太甜，啱晒我，多謝朋友的生日飯🫶🏻
不得不提餐廳的服務好好，除了細心為客人準備蛋糕外，亦解釋得好清楚，時刻留意客人既需要，為你添茶倒酒
张贴
