影片
更多
2022-11-23
2949 浏览
適逢同事升職，於是去左旺角一間潮州菜館賀一賀佢，貪佢地點方便，而且環境氣氛都十分適合良朋歡聚，可以盡興一晚。家鄉鹹菜豬肚湯 $160（⭐️⭐️⭐️⭐️⭐️）最近香港都秋意濃濃，於是點左鹹菜豬肚湯，暖心又開胃。先唔講味道，淨係睇煲入面既湯渣都知道係用料十足。筆者好喜歡入面既豬肚，絕對唔會煲到軟賴賴無晒口感，每啖咬落仲係彈牙爽口。而且鹹菜同配料選料用心，湯水飲落都有陣陣咸香同暖胃既微辣，十分舒服。鹵水雜拼+鵝 $218（⭐️⭐️⭐️⭐️⭐️）去到潮州菜館當然要試下佢既鹵水菜式，唔知點揀既朋友筆者十分推介呢個雜錦拼盤配鵝片，咩都有得試之餘仲可以試到招牌鵝片。拼盤款式十分多，有紅腸、豬耳、鵝腸、墨魚、腩肉同芽菜，仲有唔少得既鵝片。雖然種類十分多，但製作卻唔馬虎，鵝腸爽脆、墨多彈牙、豬耳入味。至於鵝片都好好食，肉質唔鞋口，大大片真係大滿足。韭菜豬紅$88（⭐️⭐️⭐️⭐️💢）筆者平時行街見到小食店都十分中二食返碗，雖然豬紅普普通通，但正正因為佢味道偏淡，要煮得好味就相當考廚師功夫。呢間餐廳既豬紅就令筆者有驚喜，豬紅煮得十分入味，惹味之餘又唔係死咸或者味精，實在令筆者食唔停口。另外亦唔好睇少下面既韭菜，絕對唔黏牙，十分翠嫩！
家鄉鹹菜豬肚湯 $160（⭐️⭐️⭐️⭐️⭐️）最近香港都秋意濃濃，於是點左鹹菜豬肚湯，暖心又開胃。先唔講味道，淨係睇煲入面既湯渣都知道係用料十足。筆者好喜歡入面既豬肚，絕對唔會煲到軟賴賴無晒口感，每啖咬落仲係彈牙爽口。而且鹹菜同配料選料用心，湯水飲落都有陣陣咸香同暖胃既微辣，十分舒服。
鹵水雜拼+鵝 $218（⭐️⭐️⭐️⭐️⭐️）去到潮州菜館當然要試下佢既鹵水菜式，唔知點揀既朋友筆者十分推介呢個雜錦拼盤配鵝片，咩都有得試之餘仲可以試到招牌鵝片。拼盤款式十分多，有紅腸、豬耳、鵝腸、墨魚、腩肉同芽菜，仲有唔少得既鵝片。雖然種類十分多，但製作卻唔馬虎，鵝腸爽脆、墨多彈牙、豬耳入味。至於鵝片都好好食，肉質唔鞋口，大大片真係大滿足。
韭菜豬紅$88（⭐️⭐️⭐️⭐️💢）筆者平時行街見到小食店都十分中二食返碗，雖然豬紅普普通通，但正正因為佢味道偏淡，要煮得好味就相當考廚師功夫。呢間餐廳既豬紅就令筆者有驚喜，豬紅煮得十分入味，惹味之餘又唔係死咸或者味精，實在令筆者食唔停口。另外亦唔好睇少下面既韭菜，絕對唔黏牙，十分翠嫩！
蠔仔粥 $80（⭐️⭐️⭐️⭐️⭐️）提到潮州菜點少得蠔仔粥呢，雖然筆者叫左細份，但都可以分到四五碗，十分抵叫。筆者最怕蠔仔唔乾淨食到成口沙，不過呢間餐廳既蠔仔選材同處理都好出色，完全無沙，而且每粒都大大隻好飽滿，食得好暢快。再講湯底，未食都已經聞到方魚、芹菜同菜甫既香味，每啖惹味之餘唔會得得咸字。
~~~~~~~~~~~~~~~~~~~~~~~~~~明記潮館 旺角砵蘭街180號砵蘭180+商場3樓
👍地點方便
👍傳統味道
👍製作用心
张贴
