影片
更多
2017-07-20
14956 浏览
近期行經士丹利街都見好多人堆喺依間新開嘅茶飲店外，唔單因為門口放咗好大隻紅鶴水泡，事後睇過啲飲食雜誌介紹，原來喺賣健康無添加嘅手工花茶，走新派路線，最特別喺並非慣常所見嘅西方花茶，而喺加入新元素嘅中國茶，怪唔得知咁多人嚟排隊嘆番杯啦！人多，除咗有新嘢之外，更因為店家晌七月份新張期內，每日晏晝4:00pm-8:00pm有買一送一優惠，當然，呢個並非「免費午餐」，要晌FB讚好，或IG跟隨，先享用到。門口嘅大隻紅鶴水泡外，其實，整間店嘅環境裝修都好吸晴，一邊牆身化身成熱帶鳥林咁，色彩奪目，見唔少客人揸住杯茶企埋牆「打卡」。雖然店內設有少少座位，但到訪當晚人太多，未能夠盡情輕鬆嘆茶。此外，泡製茶品嘅水吧位，仲放置巨型嘅茶葉罐、迷你紅鶴水泡杯墊做裝飾。每杯都講明喺有單先即製，務求所有出品做到最好！第一眼望去個電子餐牌，好似好多嘢同有啲複雜咁，但查實好簡單，4款茶底：台灣高山油切烏龍茶、雲南胎菊普洱、福建毛尖苿莉綠茶及四川蝶蘭紅茶，再配唔同口味，如加檸檬、珍珠、鮮奶、玫瑰、奶蓋……，甚至多果（即多款指定生果），冷熱均可，定價為$23-$43，正所謂豐儉由人；再唔喺，更可額外加珍珠、蘆薈、杏奶，每款
人多，除咗有新嘢之外，更因為店家晌七月份新張期內，每日晏晝4:00pm-8:00pm有買一送一優惠，當然，呢個並非「免費午餐」，要晌FB讚好，或IG跟隨，先享用到。
門口嘅大隻紅鶴水泡外，其實，整間店嘅環境裝修都好吸晴，一邊牆身化身成熱帶鳥林咁，色彩奪目，見唔少客人揸住杯茶企埋牆「打卡」。雖然店內設有少少座位，但到訪當晚人太多，未能夠盡情輕鬆嘆茶。
此外，泡製茶品嘅水吧位，仲放置巨型嘅茶葉罐、迷你紅鶴水泡杯墊做裝飾。
每杯都講明喺有單先即製，務求所有出品做到最好！
第一眼望去個電子餐牌，好似好多嘢同有啲複雜咁，但查實好簡單，4款茶底：台灣高山油切烏龍茶、雲南胎菊普洱、福建毛尖苿莉綠茶及四川蝶蘭紅茶，再配唔同口味，如加檸檬、珍珠、鮮奶、玫瑰、奶蓋……，甚至多果（即多款指定生果），冷熱均可，定價為$23-$43，正所謂豐儉由人；再唔喺，更可額外加珍珠、蘆薈、杏奶，每款$5。
落單時，店員都信心十足介紹佢哋啲茶底都喺採用優質原茶葉沖泡，當中較特別嘅嘅喺市面上較罕見嘅蝶蘭紅茶，有舒緩壓力、心情放鬆嘅功效。如果唔想煩唔知點揀，佢哋亦有幾款招牌配搭（Top 5 Tea），如橙子茉莉綠茶、草莓茉莉綠茶、珍珠鮮奶蝶蘭……等等，製茶師更以調製雞尾酒嘅手法炮製，帶出嶄新茶飲體驗。
多果胎菊普洱 $39、多果茉莉綠茶 $39平時飲普洱就一定喺好濃，苦中帶甘嘅感覺，但今次一來凍飲，二來加入多果，感覺好不一樣。首先茶底嘅胎菊普洱唔會太濃，卻仍帶茶香有點回甘嘅感覺，再者，多果包括香橙、鮮檸、西瓜、蘋果、熱情果，令茶味中滲出多層次嘅果香。友人同樣喜歡多果口味，都喺貪其有得飲，又有得食。茉莉綠茶嘅茶味就比較清爽啲，配合果香嘅多變，味道果真有層次，又冰涼消暑。
為傳統中國茶飲加入咗新元素，尤其可讓年輕一輩細味現代中國茶粹之餘，又改變一下大家對中國茶飲嘅舊有觀念，相信會掀起一股全新時尚茶飲熱潮！
张贴
