影片
更多
2019-04-27
33 浏览
餐廳喺尖沙咀天文臺圍寶軒酒店1樓，一出𨋢已見到壁報板貼滿明星相。 餐廳雖然喺尖沙咀但位置較僻靜，而且仲有獨立房，睇嚟唔少明星都睇中呢度私隱度較高可以安心用餐。炎炎夏日食蒸海鮮，梗係要揀個清熱消暑嘅【翡翠海中寶套餐(每位$398)】。 店員先放入冬瓜盅，加入排骨、冬菇粒、火腿粒等配料，再倒入上湯。 煲住冬瓜湯嘅同時就開始蒸海鮮。首先係【黑松露蒸蛋】做前菜，蛋蒸熟後再喺面頭放上黑松露再蒸。 蒸出嚟非常滑溜，蛋香味十足，配埋黑松露味道更特別。【沙包蜆】每位三粒，大隻兼鮮味十足。【海中蝦】剝殻嗰陣feel到個殻好脆，真正新鮮，蝦肉勁爽甜。【花蟹】雪白蟹肉好鮮美，仲有啲蟹膏，啱晒鍾意食蟹嘅我哋。【大連鮑魚】上面鋪咗蟲草花，鮑魚爽彈，食落仲有少少回甘。【日本元貝】成個茶壺咁大隻，好誇張。 放咗少少辣椒、生熟蒜蓉去蒸，鮮味得嚟又夠惹味。食完蒸海鮮就飲冬瓜湯，冬瓜湯吸收咗海鮮嘅精華，飲落特別鮮味。 飲完湯就到火鍋時間。【美國桶蠔】手掌咁大隻嘅蠔，靚蠔絕新鮮，唔需要淥太耐就食啦，否則會縮水，好鮮甜。【西班牙黑毛豬腩片】淥完肉質仲保持嫩滑，肉味豐富。【手打四寶丸】手打丸粒粒彈牙，我鍾意蝦丸，蝦味濃郁。【時
餐廳喺尖沙咀天文臺圍寶軒酒店1樓，一出𨋢已見到壁報板貼滿明星相。 餐廳雖然喺尖沙咀但位置較僻靜，而且仲有獨立房，睇嚟唔少明星都睇中呢度私隱度較高可以安心用餐。
炎炎夏日食蒸海鮮，梗係要揀個清熱消暑嘅【翡翠海中寶套餐(每位$398)】。 店員先放入冬瓜盅，加入排骨、冬菇粒、火腿粒等配料，再倒入上湯。 煲住冬瓜湯嘅同時就開始蒸海鮮。
首先係【黑松露蒸蛋】做前菜，蛋蒸熟後再喺面頭放上黑松露再蒸。 蒸出嚟非常滑溜，蛋香味十足，配埋黑松露味道更特別。
【沙包蜆】每位三粒，大隻兼鮮味十足。
【海中蝦】剝殻嗰陣feel到個殻好脆，真正新鮮，蝦肉勁爽甜。
【花蟹】雪白蟹肉好鮮美，仲有啲蟹膏，啱晒鍾意食蟹嘅我哋。
【大連鮑魚】上面鋪咗蟲草花，鮑魚爽彈，食落仲有少少回甘。
【日本元貝】成個茶壺咁大隻，好誇張。 放咗少少辣椒、生熟蒜蓉去蒸，鮮味得嚟又夠惹味。
食完蒸海鮮就飲冬瓜湯，冬瓜湯吸收咗海鮮嘅精華，飲落特別鮮味。 飲完湯就到火鍋時間。
【美國桶蠔】手掌咁大隻嘅蠔，靚蠔絕新鮮，唔需要淥太耐就食啦，否則會縮水，好鮮甜。
【西班牙黑毛豬腩片】淥完肉質仲保持嫩滑，肉味豐富。
【手打四寶丸】手打丸粒粒彈牙，我鍾意蝦丸，蝦味濃郁。
【時菜】係黃芽白，大棵又甜美。
食完仲有紅豆沙，清熱解毒。
做得明星私竇，當然唔會得個名，呢度全部食材都好新鮮，仲有全程由店員蒸海鮮，坐喺度等食就得，好享受～
张贴
