影片
更多
2014-07-21
1447 浏览
知道有專食明太子既餐廳，即刻book枱同媽媽黎試。一出𨋢就見到大大個鱈卵屋門牌。一入去有個雪櫃，有好多款明太子比人買，奇怪地連走珠筆都有得買。都幾開揚，座位好闊，坐得幾舒服。12點半黎到，午市竟然冇人 好處係好靜，成餐飯都係得我地同另一枱客人。鱈卵碗定食，可以揀唔同既配料，揀左三文魚拼油甘魚。賣相唔錯，鱈卵碗色彩繽紛，見到都好想食 侍應哥哥好仔細咁介紹食法。第一碗係撈完就咁食。D飯微暖，太濕太稔 明太子味冇想像中突出，反而係油甘魚幾肥美幾好食。第二碗就撈埋D配料一齊食。全部都好襯，撈埋一齊樣樣味都食到，各有各精彩。最鍾意帶D梅子味，好清新。第三碗加鰹魚湯。湯唔係好熱，但整熟左D三文魚，食落又幾特別，但味道都係第二碗比較好。雖然貪玩既我對於有幾種食法覺得好新鮮好特別，但對味道有少少失望，尤其係D飯。漬物唔錯。蒸蛋都幾滑同有蛋香，不過入面只有一小舊雞肉同冬菇。明太子上湯煎蛋卷定食蛋卷好靚，忍唔住要比個大特寫佢 蛋煎得幾好食，充滿蛋香，唔會有玉子既過甜。加上上湯，令蛋卷更濕潤，而且唔油。對煎蛋就好滿意啦，但明太子都係普通，味道唔係好出，差唔多比蛋蓋過哂。可以加錢轉薯仔沙律，既
一出𨋢就見到大大個鱈卵屋門牌。一入去有個雪櫃，有好多款明太子比人買，奇怪地連走珠筆都有得買。
都幾開揚，座位好闊，坐得幾舒服。12點半黎到，午市竟然冇人 好處係好靜，成餐飯都係得我地同另一枱客人。
鱈卵碗定食，可以揀唔同既配料，揀左三文魚拼油甘魚。
賣相唔錯，鱈卵碗色彩繽紛，見到都好想食 侍應哥哥好仔細咁介紹食法。
第一碗係撈完就咁食。D飯微暖，太濕太稔 明太子味冇想像中突出，反而係油甘魚幾肥美幾好食。
第二碗就撈埋D配料一齊食。全部都好襯，撈埋一齊樣樣味都食到，各有各精彩。最鍾意帶D梅子味，好清新。
第三碗加鰹魚湯。湯唔係好熱，但整熟左D三文魚，食落又幾特別，但味道都係第二碗比較好。雖然貪玩既我對於有幾種食法覺得好新鮮好特別，但對味道有少少失望，尤其係D飯。
漬物唔錯。蒸蛋都幾滑同有蛋香，不過入面只有一小舊雞肉同冬菇。
明太子上湯煎蛋卷定食
蛋卷好靚，忍唔住要比個大特寫佢 蛋煎得幾好食，充滿蛋香，唔會有玉子既過甜。加上上湯，令蛋卷更濕潤，而且唔油。對煎蛋就好滿意啦，但明太子都係普通，味道唔係好出，差唔多比蛋蓋過哂。
可以加錢轉薯仔沙律，既然黎食明太子，當然要轉啦 薯仔沙律係好食，食落幾滑，椰菜絲同生菜都好爽，但都係同其他一樣⋯⋯ 明太子味欠奉。見到有卷物定食又好想試，就問下有冇得散叫。原來有個唔係lunch set既menu。睇完又比個多士吸引左，為左唔好浪費食物，唯有二揀一，放棄左卷物。
和風多士。烘得好脆，上面鋪滿明太子，有好香既紫蘇同魚仔。味道還好，都係果句，明太子唔係好夠味。
最後，咖啡或者雪糕。是日只有芝麻雪糕，嗜甜既我地緊係揀雪糕為我地既午餐畫上句號。芝麻雪糕雖然冇我幻想既芝麻碎，但芝麻味都好濃，而且好滑，好食 整體都唔錯，環境好舒服而且夠靜，感覺好乾淨企理，加左唔少印象分。食物無論賣相，味道，創意都可以，只係作為以明太子做主打既餐廳，明太子未如預期中出色，反而有點失色，試左幾樣都係普通，少少失望。
张贴
