影片
更多
2016-08-10
3387 浏览
上星期睇完戲唔知食咩好，見到呢間日本野，記得喺銅仔食過唔錯，一於唔好諗咁多，入去～同朋友一人一個定食，再share個明太子蛋卷。鯖花魚鹽燒定食，有沙律、前菜、大大條鯖花魚、白飯同麵豉湯，60幾蚊都真係抵食。魚皮脆，魚肉實，近腩位就好滑～夾開仲有好多肉汁留出。溫馨提示，個汁偏咸，唔好點太多，點多左加啲蘿蔔蓉一齊食，都一樣好味～明太子蛋卷原條上，再食依然咁滑，明太子依然逼爆，一切開就湧出泥～脆口明太子、軟滑嘅玉子，加埋啲葱花同蘿蔔蓉，咸咸地辣辣地滑滑地，多重口感。但印象中好似係無咁咸的，不過咸有咸食，擺喺飯面，當明太子飯團咁食😂總結呢間沖繩日式餐廳，環境舒適，服務ok，食物賣相唔錯，但味道偏咸，可能係個別食材嘅問題，整體都尚算滿意～
鯖花魚鹽燒定食，有沙律、前菜、大大條鯖花魚、白飯同麵豉湯，60幾蚊都真係抵食。魚皮脆，魚肉實，近腩位就好滑～夾開仲有好多肉汁留出。溫馨提示，個汁偏咸，唔好點太多，點多左加啲蘿蔔蓉一齊食，都一樣好味～
明太子蛋卷原條上，再食依然咁滑，明太子依然逼爆，一切開就湧出泥～脆口明太子、軟滑嘅玉子，加埋啲葱花同蘿蔔蓉，咸咸地辣辣地滑滑地，多重口感。
但印象中好似係無咁咸的，不過咸有咸食，擺喺飯面，當明太子飯團咁食😂
總結呢間沖繩日式餐廳，環境舒適，服務ok，食物賣相唔錯，但味道偏咸，可能係個別食材嘅問題，整體都尚算滿意～
张贴
