三田製麵所 (金朝陽中心二期 - Midtown)

营业中

休息中

返工放lunch諗食乜都真係好頭痛，粉麵飯諗定想食乜就得，如果想食拉麵嘅話三田應該會幫到你，午市時間基本上都係排長龍，想食嘅話就要早少少排隊。🥢明太子撈麵 $98拉麵中間有一大堆明太子，鹹鹹香香帶少少辣，撈麵比較粗身，撈埋明太子非常match，餐廳仲加咗舊牛油，令到成個面嘅滑身香口。🥢濃厚豚骨魚介麵 $88拉麵有沾麵和湯拉麵兩款, 各自都是有辣有唔辣。一場嚟到梗係沾麵，麵條的份量可以隨你的食量選定，一般嚟講中size都好夠。聽講餐廳用2小時熬製濃郁湯底，一直受日本當地人喜愛。湯底使用豬大骨、雞胸骨與大量的蔬菜精心熬煮，加入特製的魚介高湯混合製造出豬骨魚介湯底，湯底非常濃郁，拉麵好掛湯，好啱咁重口味人士。