影片
更多
2023-07-03
466 浏览
係香港講起打邊爐放題 以前就即刻諗到牛字輩嘅牛陣、牛氣、牛摩等等 但係隨著台式火鍋嘅興起 牛大人 山見等都越來越佔據港人心頭好 今次講嘅呢間超越以上所有火鍋 斬獲最高性價比嘅火鍋之位 係個人角度出發 放題提供又多選擇又高質 仲要座位闊落坐得舒服係最重要！午市放題：美國特級肩胛肉眼套餐💰198午市套餐有定量同放題選擇 放題就可以食無限量肉類同唔同自助區嘅野食 係午餐火鍋價位來講$198已經可以食到第二隻等級啦 時間限制我諗應該係2個鐘 因為我個陣到差唔多都2點幾 食到4:30係最後時間🍲湯底呢度一共有9款湯底任君選擇 除左藥膳 麻辣等 仲有沙嗲海鮮 豬肚雞 椰子雞等 我地就揀左濃郁惹味嘅沙嗲湯 雖然湯頭好濃 但係冇話特別鹹！入面有好大塊嘅牛肉 同台灣牛肉麵個隻質地好似 好入味！🥩肉類牛就有美國特級肉眼片 牛肩胛片 仲有少有嘅巴西牛脷托 豬肉就有美國豬梅肉片同雪花肉片 其他嘅仲有花雕酒雞翼 雞肉片 滷豬大腸牛肚等等豬牛肉每碟份量會比較少 應該係希望大家食得幾多嗌幾多 不過肉片都切得比較細片 肩胛肉眼會比純肩胛瘦D 冇咁多白色嘅部分 但係碌出來都係一樣咁滑嫩 薄薄地一片更加易熟同入口！牛舌就
係香港講起打邊爐放題 以前就即刻諗到牛字輩嘅牛陣、牛氣、牛摩等等 但係隨著台式火鍋嘅興起 牛大人 山見等都越來越佔據港人心頭好 今次講嘅呢間超越以上所有火鍋 斬獲最高性價比嘅火鍋之位 係個人角度出發 放題提供又多選擇又高質 仲要座位闊落坐得舒服係最重要！
午市放題：美國特級肩胛肉眼套餐
💰198
午市套餐有定量同放題選擇 放題就可以食無限量肉類同唔同自助區嘅野食 係午餐火鍋價位來講$198已經可以食到第二隻等級啦 時間限制我諗應該係2個鐘 因為我個陣到差唔多都2點幾 食到4:30係最後時間
🍲湯底
呢度一共有9款湯底任君選擇 除左藥膳 麻辣等 仲有沙嗲海鮮 豬肚雞 椰子雞等 我地就揀左濃郁惹味嘅沙嗲湯 雖然湯頭好濃 但係冇話特別鹹！入面有好大塊嘅牛肉 同台灣牛肉麵個隻質地好似 好入味！
🥩肉類
牛就有美國特級肉眼片 牛肩胛片 仲有少有嘅巴西牛脷托 豬肉就有美國豬梅肉片同雪花肉片 其他嘅仲有花雕酒雞翼 雞肉片 滷豬大腸牛肚等等豬
牛肉每碟份量會比較少 應該係希望大家食得幾多嗌幾多 不過肉片都切得比較細片 肩胛肉眼會比純肩胛瘦D 冇咁多白色嘅部分 但係碌出來都係一樣咁滑嫩 薄薄地一片更加易熟同入口！牛舌就係韌少少 不過又冇燒個隻咁韌 食多左肉之後換個口味都唔錯 仲有豬肉兩隻都好精瘦！
🍲打邊爐食材
首先要講嘅就係打邊爐必須要落嘅丸類啦 呢度自助區真係多不勝數 除左有常見嘅港式蟹籽丸 凍豆腐 台式蛋餃 麻糬寶 豬血糕都有！仲有牛站獨有嘅貓爪墨魚丸 特別推薦呢度嘅流沙魚蛋同埋芝士年糕 前者入面同流沙包入面嘅料一模一樣！年糕入面嘅芝士煮耐左就識得拉絲😍上面仲有好多主食 例如薯粉 公仔麵 刀削麵等
隔離仲有好多其他蔬菜等 我就拎左好多冬瓜 萵筍 菇類 仲有一隻叫冰菜嘅蔬菜 真係有D冰粒係個菜面頭煮熟左之後就超有咬口 脆身！
🍤小食
火鍋店涼菜我就冇乜見過啦 出面有普遍嘅中華海草 泡菜 連枝豆同埋雞翼尖都有！係電話落單叫肉嘅時候仲有流心糍粑同魚皮可以叫 呢隻糍粑唔係淋紅糖上去嘅 而係有紅糖流心係入面 一咬就會流出來 所以肥嘟嘟勁好味😍
係醬料區嘅中間仲有個熱櫃入面裝滿左新鮮嘅炸物 例如炸午餐肉 炸芋頭 響鈴卷等 確保所有炸物都可以熱辣辣咁樣送到客人嘅口腔入面😋芋頭炸完再擺落湯度滾特別有味！仲有D滷肉飯 豬腳薑可以任攞😗
🧁甜品
甜品櫃都有獨立嘅雪櫃 三層分別由最上面嘅泡芙布甸、中間嘅木糠布甸同tiramisu 最下面就係流質D嘅有豆腐花 乳酪 同埋仙草凍 最上面嘅大粒泡芙好好味 表皮係類似菠蘿包個隻甜嘅脆皮 入面嘅cream係甜甜地類似雪糕咁嘅！木糠布甸就係港式個隻 可以試下無妨👐🏻
🍦雪糕
冇諗過雪糕都要特登擺出來寫 因為真係太多選擇啦！由gelato到朱古力脆皮 唔同牌子應有盡有 haagendazs都有朱古力 曲奇等經典味道 gelato有芝麻 香芋 豆腐等少見嘅味道！朱古力脆皮嘅選擇包括左係乳酪界享有鼎鼎大名嘅Bulla 但係可能雪凍得太耐所以入面嘅朱古力雪糕仲係比較凍 仲有隻Ekselence牌子未見過 係mini版嘅朱古力脆皮 出面好多榛子 入面雲呢拿雪糕好潤滑 好正！
🧋飲品
汽水 茶 啤酒呢度應有盡有 最特別係呢度有自家製嘅冷泡茶 白桃烏龍等唔錯！仲有自家製嘅珍珠奶茶 都值得一試😗
整體來講呢間真係我覺得最高性價比嘅台式火鍋放題 放題除左食肉我更prefer可以出去攞野嘅感覺 呢度無論係甜品 火鍋配料定小食選擇又多又高質 環境又闊落 好值得試下！
📌 牛站（駅）麻辣火鍋放題 (旺角)
旺角彌敦道593-601號創興廣場2樓
张贴
