影片
更多
2016-06-27
577 浏览
而家嘅香港真係一個不夜城點解咁講?因為呢晚同老婆大人約咗九點食晚飯,仲要食放題上到八幡屋居然全場爆滿,邊食邊有客走又有客入,好彩老婆大人穩陣一早訂咗枱啫。好鬼肚餓先來剌身先三文魚肥美肉厚,劍魚腩油潤濃香,鯛魚肉質實淨新鮮,虎蝦爽口點生蝦汁好好味,而黑鳥貝質感都同白鳥貝差唔多啫。 我哋睇中升級體驗內有生蠔,赤蝦及珍寶帶子等好味又易回本的正刺身,孤寒的我也首肯+50皮一位升級,加埋原本放題$198都唔使三舊好化算吖嘻嘻!!果然冇駛錯呢50皮,赤蝦刺身大大隻"姣姣jet"蝦味好濃郁香,珍寶帶子本身巳唔錯可惜已被赤蝦比下去了。 生蠔隻隻漲卜卜新鮮度很好冇腥味,用酸味汁和蘿蔔蓉伴著嚟食都幾特別。老婆大人至愛.....唔係我係辣味螺肉呀,味道正宗香甜爽口怪不得她百吃不厭啦。 餐廳失驚無神送上驚喜五色靚靚壽司,辛苦老婆大人啃晒佢因為有我唔食的紫菜!! 另外叫的黑松露油甘魚壽司,魚味鮮香點點的黑松露做到畫龍點睛之效,象拔蚌壽司亦爽甜好味道,其它係老婆大人的。升級的火炙柚子和牛壽司就真係very good喇,牛味香濃到柚子汁也比蓋過推介之選。味噌炒蜆蜆肉夠新鮮,不過第一次食味噌炒未係好慣,都係清酒煮蜆最
好鬼肚餓先來剌身先三文魚肥美肉厚,劍魚腩油潤濃香,鯛魚肉質實淨新鮮,虎蝦爽口點生蝦汁好好味,而黑鳥貝質感都同白鳥貝差唔多啫。
我哋睇中升級體驗內有生蠔,赤蝦及珍寶帶子等好味又易回本的正刺身,孤寒的我也首肯+50皮一位升級,加埋原本放題$198都唔使三舊好化算吖嘻嘻!!果然冇駛錯呢50皮,赤蝦刺身大大隻"姣姣jet"蝦味好濃郁香,珍寶帶子本身巳唔錯可惜已被赤蝦比下去了。
生蠔隻隻漲卜卜新鮮度很好冇腥味,用酸味汁和蘿蔔蓉伴著嚟食都幾特別。
老婆大人至愛.....唔係我係辣味螺肉呀,味道正宗香甜爽口怪不得她百吃不厭啦。
餐廳失驚無神送上驚喜五色靚靚壽司,辛苦老婆大人啃晒佢因為有我唔食的紫菜!!
另外叫的黑松露油甘魚壽司,魚味鮮香點點的黑松露做到畫龍點睛之效,象拔蚌壽司亦爽甜好味道,其它係老婆大人的。
升級的火炙柚子和牛壽司就真係very good喇,牛味香濃到柚子汁也比蓋過推介之選。
味噌炒蜆蜆肉夠新鮮,不過第一次食味噌炒未係好慣,都係清酒煮蜆最啱我口味。
芝士大蝦係老婆大人的見佢食完個樣都好滿意,黃金焗蠔味道同食生蠔有得揮好味得來多咗香味。
羊架味道可以啦,汁燒豚小排我冇試呀。
天婦羅就十分有創意,用秋葵配明太子咬落多啲口感,而大蝦天婦羅肉質亦係彈牙而且炸漿唔太厚好功夫。
鹽燒虎蝦好鬼正面頭咸咸香香,蝦肉新鮮實淨,推介大家一定要食佢呀。
食飽飽後叫啲雪糕甜品嘆吓先!
老婆大人特登叫呢個水信玄餅比我試,外表成個水晶球靚到飛起,食落有少少甜味當食到櫻花時又有小小咸味好過癮喎。
八幡屋日本料理 地址: 旺角兆萬中心9樓 電話:21511388张贴
