Bellevue Bar and Grill (已結業)

經過朋友介紹，決定試吓呢間位於旺角譽發廣場23樓嘅空中餐廳。果然冇介紹錯，餐廳景色超級開揚，仲要望到對面海！而且服務員服務態度熱情！Soup of the Day - 雜菜忌廉湯首先飲個餐湯醫下肚先，配埋溫熱軟綿綿嘅麵包食。Lasagna千層麵入面係滿滿嘅肉醬，配埋闊條麵層一齊食，再望住個景，簡直係一流！US Angus Sirloin Steak不得不讚下呢塊安格斯牛扒！ 我哋叫咗三成熟，肉質仲係粉紅色，超級鮮嫩，好有咬口。一食落去啲肉汁出晒嚟！Daily Dessert - 朱古力布朗尼最後用呢個精緻嘅布朗尼甜品作結畫上圓滿嘅句號。Lemon Tea雖然呢間餐廳是fine dining但係凍檸茶都一樣有！ 加分！Coffee而我就叫咗杯咖啡，坐下休息一下，嘆吓眼前嘅美景。