影片
更多
2020-11-27
123 浏览
忙裏偷閒，老公咁忙仲有時間搵到呢一間高質餐廳，仲要喺旺角咁方便！真係抵讚！一入餐廳，幽暗嘅燈光， L字型落地玻璃窗邊靚景，未開始食都已經覺得心情特別舒暢！坐低先有自家麵包同牛油送上，一個係全穀物，另一款加左粟米，兩款都咁好食！老公知我鍾意食鵝肝，特別點左一份，鵝肝質素唔錯，外層金黃，除咗用常見嘅梨肉墊底之外，仲有一絲絲嘅炒透嘅洋蔥，多咗一種香甜美味！鵝肝有油脂香但唔膩，最鍾意佢入口溶化嘅感覺。另外點左龍蝦沙律，龍蝦肉夠厚夠彈牙，而且非常鮮甜，好味到掛住食唔記得影相！主菜點左老公至愛嘅牛扒，我哋每人一份，味道令人覺得值回票價！牛扒外邊散發住焦脆嘅香烤味，肉質軟淋，肉汁鎖得非常之好，食落Juicy又唔靱，入口散發著濃濃嘅嘅肉香味，加上中間位置少少嘅脂肪，油脂香腴，十分出色！甜品叫左Panna Cotta，菠蘿啫喱同椰汁糕層層分明，食落椰子味又重又香，不過最甜嘅都係老公識得揀呢一間就腳又景觀開揚嘅餐廳！
一入餐廳，幽暗嘅燈光， L字型落地玻璃窗邊靚景，未開始食都已經覺得心情特別舒暢！
坐低先有自家麵包同牛油送上，一個係全穀物，另一款加左粟米，兩款都咁好食！
老公知我鍾意食鵝肝，特別點左一份，鵝肝質素唔錯，外層金黃，除咗用常見嘅梨肉墊底之外，仲有一絲絲嘅炒透嘅洋蔥，多咗一種香甜美味！鵝肝有油脂香但唔膩，最鍾意佢入口溶化嘅感覺。
另外點左龍蝦沙律，龍蝦肉夠厚夠彈牙，而且非常鮮甜，好味到掛住食唔記得影相！
主菜點左老公至愛嘅牛扒，我哋每人一份，味道令人覺得值回票價！牛扒外邊散發住焦脆嘅香烤味，肉質軟淋，肉汁鎖得非常之好，食落Juicy又唔靱，入口散發著濃濃嘅嘅肉香味，加上中間位置少少嘅脂肪，油脂香腴，十分出色！
甜品叫左Panna Cotta，菠蘿啫喱同椰汁糕層層分明，食落椰子味又重又香，不過最甜嘅都係老公識得揀呢一間就腳又景觀開揚嘅餐廳！
张贴
