Bistro Bloom

营业中

休息中

朗豪坊13樓有多間特色餐廳，Bistro Bloom 係首選之一, 只要你揀選餐牌上的主菜再加錢就可以享用任食沙律吧, 海鮮，生果，湯, 飲品及甜品。款式非常之多，尤其是沙律，有泰式木瓜沙律, 薯仔沙律，仲有我最喜歡嘅紅菜頭。冷凍海鮮有青口，海蝦，蜆, 非常豐富。主菜我選擇了極黑和牛板腱扒🐮 $348， 仲配上法國拉克萊特熔岩芝士及紅或白酒一杯，非常抵食。牛扒肉質鮮嫩，多肉汁，而且有份油香。店員在你面前批🔪芝士，溫度暖暖，一啖芝士一啖牛肉份外香口。另一款主菜，選了香煎鱈魚柳伴鮮蜆海鮮汁$335， 厚厚的魚柳煎香配上海鮮汁仲有鮮甜嘅蜆肉，好鮮味。甜品仲有多款選擇，呢一餐非常滿足。