八木橋日式燒肉

营业中

休息中

八木橋日式燒肉，位於旺角T.O.P商場4樓，餐廳以日式燒肉為主打，餐廳佈置相當日式，環境整潔舒服座位寬敞。最近仲做緊三周年限定優惠，朋友喺三日之前訂位免費升級到4小時用餐時間，仲可以任食日本A4和牛，真係可以慢慢食慢慢嘆。餐廳和牛質素相當高，油花分明，肉質顏色光澤鮮明，一睇就知係靚嘢，和牛入口軟嫩好食，牛肉味相當濃郁，幸福感滿滿。除咗和牛之外，燒鮑魚都好好食，鮑魚相當新鮮大大隻有咬口。餐後仲可以任食Häagen-Dazs雪糕，真係飽到上心口。