第三站

今日去咗金雞廣場既station three，係一間西式樓上cafe。店鋪設計好岩一大班人聚會，有容納8人或以上既卡位，又有board game 玩，而且啲座位都好闊落，坐得好舒服👍叫咗蟹肉雜菌忌廉闊條麵，黑松露帶子鮮菌燴飯同海鮮併盤☺️海鮮併盤就有蝦、蟹、帶子、蠔同魚柳，全部都係炸物。炸物炸得啱啱好，夠脆香口之餘，又唔會有好多炸粉。份量亦都對得住價錢，食完超滿足😋蟹肉雜菌忌廉闊條麵同黑松露帶子鮮菌燴飯都好足料，有好多蟹肉，撈均咗之後係每一啖都食到蟹肉，而且個闊條麵份量都幾多，淨係食佢都已經幾飽；至於個意大利飯都好出色，好重黑松露味，而且都幾多帶子！至於野飲方面，我地就嗌左荔枝紅茶同峰蜜紅茶。熱茶都有濃濃既茶香。兩杯熱茶甜度都啱啱好，唔會太甜，食完正餐再飲熱茶，好啱消化！