日本野 (已結業)

心血來潮好想食日本料理， 去咗銀城廣場呢間樓上鋪，睇返網上口碑都唔錯， 價錢都幾經濟實惠，就去試下。餐廳地方寬敞有好多卡座，坐得十分舒服，居酒屋風格，食物主打日式料理。石燒霜降牛小排招牌菜式，石燒牛用上霜降牛小排，油脂分佈均勻清晰可見，只需在石板上燒烤兩邊，油脂甘香，牛味濃郁，入口即化！ 加少許岩鹽進食更覺滋味！自選丼飯點了三文魚、甜蝦、玉子、蟹棒和海膽。 三文魚 油脂豐富，厚身肥美。甜蝦 鮮甜清爽。玉子 軟熟有蛋味。蟹棒 用真蟹肉製作。海膽 口感嫩滑！和風炒什菜有鑊氣蒜香撲鼻，新鮮爽口唔油膩，食多啲蔬菜，清新一下味蕾中和肉食！芝士年糕年糕包裹著芝士軟心，外皮脆炸香口，一咬開軟滑芝士即時溢出，芝香味濃！水信玄餅招牌甜品，賣相精緻吸引，水晶球體入面係一朵花，啱曬打卡！ 味道似福餅口感似啫喱！