柞木炭家

营业中

休息中

📍聚餐慢慢坐住傾計啱晒嘅超高質嘅韓牛！燒肉會有店員幫手燒同埋想要幾成熟，今次我哋叫晒牛食，試吓唔同嘅牛部位。稀少和牛三筋配月見汁($195)，係咁多款嫩滑嘅牛肉，已經用壽喜燒汁醃過，燒完之後再包住白飯點蛋黃食，啲牛肉入口即溶。嚴選極長牛舌芯($198)原條咁燒至半熟，外皮脆口但內芯保持到牛舌嘅嫩。柞木牛肉盛($420)入邊有五款唔同嘅和牛部位，包括和牛三筋、外裙肉、牛小排、牛肋肉同肋眼，每款肉基本上點少少鹽已經OK，可以食到肉香味。和牛三筋雪花最多最肥美，大家最鍾意都係呢款！仲有傳統石頭飯($110)食咁多肉叫返素菜飯食～除咗酒仲有幾款果汁類嘅梳打飲品都幾啱打卡！