韓燒大叔

营业中

休息中

表弟啱啱旅行返港，約我哋lunch 順便拎手信。一向刷得嘅佢，今次揀咗喺旺角Body Shop樓上嘅韓燒大叔自助日燒，$168/90分鐘，我哋仲+$38要埋海鮮，佢話大家要食盡佢。餐廳地方闊落，幾面都有大窗引入天然光非常光猛。表弟最開心係餐廳電視不停播放韓團K-pop 勁歌熱舞，賞心悅目。原來夠四人就有得送小食，店員話今日醬油八爪魚冇曬，改送醬油螺，都幾好味。肉類包括美國安格斯下肩胛、美國肥牛、紐西蘭羊肩肉、韓國特級午餐肉、薄切牛脷等等成14款咁多；海鮮有翡翠螺、青口、白蜆、海墨魚、多春魚都有9款；仲有韓國小食：韓式炸雞、泡菜煎餅、紫菜包飯、柚子單骨雞翼、炸雞軟骨同埋幾款韓式湯，十幾款供選擇。自助區可以任飲汽水、柚子蜜。我哋仲喺蔬菜吧揀左新鮮冬菇、秋葵、番薯仔、金菇、粟米等整個蔬菜籃，同肉食平衡返唔怕油膩。甜品除咗有泡芙同Brownie，仲有軟雪糕，好在有留肚。