新記雞粥 (已結業)

今日嚟旺角行街，行到咁上下見肚餓我哋就搵嘢食，咁啱見到呢間新記雞粥，又見到入面都幾多人，就決定入去試吓喇。我平時其實好怕係街食粥嘅，因為好怕外面既粥會落好多味精去煲，不過見佢呢度主打嘅係貴妃雞粥，所以就膽粗粗走入黎試吓啦。試過先知原來呢度嘅粥真係唔係味精粥嚟，仲覺得好綿，而且雞嘅份量都幾多，大大碗都幾好食。除咗雞粥我哋仲叫咗兩個小食，海蜇生腸同埋涼拌皮蛋。海蜇生腸好爽口而且好大碟，用嚟送啤酒就最岩！涼拌皮蛋好香麻油味，都幾開胃。飲品：七喜話梅柑桔冰，七喜龍眼冰