Bellevue Bar and Grill (已結業)

週末同朋友去旺角食lunch，想食好啲就去咗朋友推薦嘅樓上西餐廳，估唔到旺角鬧市中都有景觀咁靚嘅餐廳，落地玻璃令人可以望到樓下嘅街景，一覽鬧市中嘅彌敦道，一路享受美食，感覺非常寫意😌-是日精選餐湯當日餐湯係雜菜忌廉玉米湯，飲落好creamy忌廉奶味十足，配埋餐包食味道好夾。-青蘋果羽衣甘蘭沙律青蘋果酸酸甜甜咁好開胃，切成條狀好方便食。沙律入面仲有羽衣甘藍、生菜、蘿蔔片等，材料非常豐富健康。-蕃茄水牛芝士伴香草醬水牛芝士切成片狀，厚厚一片，配埋番茄片紅白相間擺盤好靚🍅 芝士奶味濃郁，同酸酸甜甜嘅番茄一齊食味道好夾又開胃👍🏻-帕爾瑪火腿伴燒合桃意大利飯叫呢個菜式嘅時候，店員仲特登問我哋意大利飯想軟啲定硬啲，感覺好貼心👍🏻 帕爾瑪火腿上碟時折成玫瑰花形真係好賞心悅目呀🌹😆 義大利飯好creamy飯粒煙煙韌韌咁，口感十足。-燒烤醬焗美國豬肋骨食豬肋骨嘅話，醬汁可以話係靈魂，而呢間餐廳嘅醬汁就非常惹味濃郁，令人回味無窮😋豬肋骨切開有3大塊，而底下係薯蓉同蘆筍，感覺好balanced。-是日甜品甜品係抹茶慕斯蛋糕🍵 擺盤好精緻，打卡一流😆 慕斯入口好light，抹茶味好清新，為呢餐畫上完美句號。