阿久根和牛拉麵屋

营业中

休息中

今日行過哩間拉麵店，睇到裝修好特別，咁試試。店鋪提供數款拉麵沾面，仲有餃子等小食提供。波子汽水，好耐冇飲，見到都心思思叫咗一支，汽水同拉麵好夾。慢煮安格斯牛小排沾面，湯底揀咗黑蒜濃湯。配料勁豐富，有日式蔥絲，紫菜，溏心蛋等。牛小排表面煎過，內裡半熟，牛味好香同埋入口軟嫩。另外湯底會用石頭鍋keep溫度，天冷都唔會凍。湯底少少蒜香味同埋偏濃郁，每一啖拉麵都掛住湯底超好味。香煎虎蝦拉麵，揀咗香濃海老湯，同埋加咗一片炙燒豚肉。拉麵比沾面要幼少少，食落係偏硬身果款。湯底落咗大量櫻花蝦，蝦味好濃郁。虎蝦有差唔多巴掌咁大，蝦肉鮮甜彈牙好新鮮。炙燒豚肉好厚身，豚肉大火炙燒過，逼出豚肉油脂，食落好香口唔會覺得滯。