Le Viet (已結業)

旺角市中心樓上越南菜，位置方便就在銀行中心樓上一樓，店面好大，坐得舒服，而且有大玻璃窗，好光猛。菜單有不少菜式，今次我地點了一個套餐，海南雞飯，加八元可以有特飲青檸梳打。另外單點了扎肉米紙卷、咖哩牛腩配印度薄餅、咸魚炒芥蘭。海南雞飯全起骨，食得好爽，兩款汁都好味，油飯香口超正。68元咖哩牛腩有個爐熱住，好香咖哩味，牛腩量多，有筋有肉，薄餅好脆，點汁好配。咸魚炒菜好香咸魚味，份量夠兩個人吃，另外飲品都好正非常涼快，解渴超正！