鉄火堂 (登打士街) (已結業)

最近IG幾乎都比鉄火堂洗版🙈​好啦，見個個洗，我又洗埋一份先（勁無骨氣😂）​呢度係位於旺角登打士街嘅地鋪，純日式屋台設計，易搵又精緻～當晚我大概9點到，等咗20分鐘就有位。​呢度唔算好大，大概可坐30多人～老實算，坐就唔算舒服，不過食物水準真心高！​佢哋主打「自選魚生丼」，將車仔麵嘅概念融入日式丼飯，可以揀超過50種配料、飯類又可以揀白飯、醋飯、薑味飯、黑胡椒三文魚飯或冬菇飯，自由度高，豐儉由人，超自在！😍​今次我就揀［厚切藍鰭大拖羅＋火炙三文魚＋碎蔥吞拿魚＋帆立貝＋三文魚籽］配冬菇飯；男朋友就揀［厚切藍鰭中拖羅＋三文魚＋劍魚腩＋帆立貝］配醋飯，再外加點7款壽司（一見到魚生就失控，哈哈）！😂​不得不讚，鉄火堂嘅魚生水準好高，全部好新鮮，且份量極多，每碗丼仲附送味噌湯！碗湯勁多海苔、豆腐及蜆仔，CP值爆高，真心好有誠意！​至於壽司，我最鍾意日本鰤魚壽司，肥美又鮮甜，珍寶赤蝦就爽口，啖啖肉，感覺都好正。唯獨係壽司舊飯，我覺得師傅握得太實，啲飯好實，我覺得麻麻地。​​P. S. 整體嚟講，水準高，抵食夾大件，我諗我會不停Encore😏❤️​