捌壹壹 (奶路臣街)

营业中

休息中

細細個好怕食魚，覺得魚肉又嚡又多骨好似好易啃死咁（蠢），但有人幫手去骨又有嫩滑魚肉食嘅話又唔區。加上一向對偏酸口味湯底或食材有少少上癮，酸菜魚簡直係一種完美配搭～❝冷鍋酸菜魚❞ ($208）❋留意翻食開譚仔5小辣嘅話嗌小辣應該係頂盡架啦，BB辣都夠做餐店會預先將魚肉烹調至最最嫩滑嘅程度，上枱後唔需要煲滾就可以享用。魚肉厚身啖啖肉又滑溜溜，份量兩個人食啱啱好，成盤魚只得一條魚骨！魚鮮味無被湯底蓋過，依然食得出魚肉本身味道。湯底飲落偏酸偏麻，辣味多在於後勁。酸菜﹑蒜頭﹑芽菜﹑金菇等配料全部足料又入味。鍋內有寬粉索湯汁，異常地Q彈。❝黑糖糍粑❞ ($45/大)一份大size嘅糍粑總共有10件，外脆內軟又煙煙韌韌，軟糯口感加上面頭少少黃豆粉，就咁食已經好幫到手解辣，沾少少黑糖漿係另一種飯後甜品風味。❝麻辣海蜇❞ ($45)食海蜇最怕汁料唔啱口味，依到嘅海蜇無過份使用麻油辣油，爽脆無腥味，麻辣汁料惹味偏辣（食開5小辣覺得有少少太辣），嗌碗白飯用佢黎餸飯啱哂～𓂃𓈒 𓂂𓏸 捌壹壹 𓏸𓂂 𓈒𓂃 @811sichuancuisine 旺角奶路臣街33號地下F號舖港鐵旺角站E2出口，步行約5分鐘每日營業