走過十萬八千里找到你

营业中

休息中

今日嚟旺角食晚餐，餐廳天花板裝咗乾花裝飾，配合昏暗嘅燈光同牆上獨特嘅壁畫，幾有氣氛同格調～法式蟹肉蝦膏汁扁意粉 $148蟹肉份量幾多，都幾鮮味～ 扁意粉軟硬適中，醬汁比較乾身，如果再濃香啲會更正～原條鰻魚意大利飯 $178鰻魚燒得好香，幾長幾厚身，肉質淋身，醬汁幾香濃～ 意大利飯偏向比較硬身，配埋木魚絲有西日fusion風味～紅寶石巧克力草莓鮮奶 $68賣相幾吸引，入面有士多啤梨糖漿同士多啤梨果肉，士多啤梨味幾香～ 仲有少少玫瑰花瓣香味，奶味嘅平衡做得唔錯～手工黑芝麻 $60拉花賣相好吸引，入口係微溫，黑芝麻味幾香濃，奶味都幾香～