Coffee Talks (已結業)

🔸黑松露什菌意粉朋友好鍾意呢個比較乾身的意粉，配有好多菇菌，碟邊仲有啲黑松露油，所以食落都幾重黑松露味。🔸紅酒慢煮牛筋腩意大利飯我就鐘意呢個意大利飯多啲！第一啖已經聞到有紅酒味，食落牛筋腩好入味，肉質軟林。意大利飯軟硬度適中，味道夠濃，唔會食到好漏。🔸酥皮海鮮湯主食可以加錢配湯或者小食。雖然個海鮮湯細細碗，但即叫即焗，酥皮超級鬆脆，個湯似忌廉湯，有啲蜆肉，夠晒熱辣辣好好飲！🔸柚子雞翼亦都係主食加錢配嘅，雞翼沾滿柚子醬汁，幾開胃！🔸熱情水果茶🍹跟主食有半價加配所以揀左呢杯🤪好大杯，又唔太甜！有啲水果咬下，幾好😛呢間cafe係正Moko天橋落黎個到，地點好方便！仲要坐得好舒服，無吵鬧的感覺，播住輕音樂，好啱我哋傾下計食下野。