Bellevue Bar and Grill (已結業)

話說行開旺角個頭咁岩又想食西餐，有朋友推介左一間近油麻地嘅Bellevue Bar and Grill，係咁話高級得黎又性價比高。為食嘅我又點可以錯過呢～上到去侍應好有禮貌，仲俾左個落地窗枱俾我地～紅色枱布配低調淨色餐具，Sharp醒得黎又不失高級感～Lunch可以自選組合，主菜選擇都幾多。我就叫左餐湯甜品+慢煮八爪魚溫室青瓜伴黑醋汁+牛柳～餐包率先上陣，焗至乾身得黎又唔硬。牛油外形相當精緻，味道香濃牛油味帶少少鹹，滲埋入包身相當好食。跟住係是日餐湯——大蒜薯蓉湯。黑胡椒可以自己揀落唔落，個人就比較建議落嘅。湯身個texture冇薯蓉咁稠，比較綿身，但香濃風味毫不遜色。蒜味亦相當濃厚，加埋吸滿湯汁嘅麵包脆脆，口感更加豐富，整體配搭相當出色。跟住到慢煮八爪魚溫室青瓜伴黑醋汁。慢煮八爪魚有刺身般嘅鮮味而冇左個種滑潺潺嘅感覺，配上黑醋甜酸味及青瓜蔬果清新口味襯托，成道菜意外地開胃。餐飲係Latte，都係高級餐廳一貫做法糖漿另上。咖啡飲得出豆嘅品質幾好，濃烈又唔酸，奶味夠重，可以話係一杯幾夠質素嘅Latte。我最期待嘅主菜登場了～炭燒安格斯牛柳伴青胡椒汁（三成熟）。伴碟蔬果稍微烤過，風味十足。