影片
更多
2022-09-11
29 浏览
中秋節中午約左朋友仔食高級野，揀左呢間好有創意既綿花糖和牛壽喜燒，餐廳位於旺角豉油街小巷內既Station21，好有大隱隱於市既感覺。踏入店內，迎面而來既係相當有氣勢既日本將軍盔甲，店內亦掛滿和風圖畫，好似去左日本咁，可見店家響裝修度都落足心思。我地點左個壽喜燒2人前套餐$898，裡面包左：-鹿兒島A5黑毛和牛350g-季節野菜盛合-自家製壽喜燒汁-日本蘭王蛋-讚岐烏冬/飯A5和牛用木盒裝住，有6片，每一片都有保鮮紙獨立包好，唔怕和牛會接觸到空氣太耐，搞到變色氧化，可以慢慢影相。侍應會先響綿花糖上加入壽喜燒汁，再慢慢攪拌，綿花糖既甜度融哂落醬汁到，之後再將和牛放入去烹煮。淺嘗一片脂肪分布均勻既和牛，脂肪甘甜既味道會響口中擴散，牛味濃郁，肉質滑嫩有彈性，而且點住蘭王蛋汁食特別好食。食完和牛就到野菜盛合，都幾足料，有娃娃菜、菇、豆腐、油揚、獅子狗&蟹柳，新鮮又鮮甜，好多纖維，岩哂最近減肥中既我。我地另外仲點左牛舌、大蔥雞&芝士蕃薯串燒，當中厚牛舌燒到有少少炭香味，幾鹹香；小甜薯鋪滿芝士好邪惡。餐廳燒好後會放響個小爐度暖住，唔怕會變凍，都算幾貼心。因為夜晚仲有大餐等緊我地，美食呢家野係貴精不
揀左呢間好有創意既綿花糖和牛壽喜燒，
餐廳位於旺角豉油街小巷內既Station21，
好有大隱隱於市既感覺。
踏入店內，迎面而來既係相當有氣勢既日本將軍盔甲，
店內亦掛滿和風圖畫，好似去左日本咁，
可見店家響裝修度都落足心思。
我地點左個壽喜燒2人前套餐$898，
裡面包左：
-鹿兒島A5黑毛和牛350g
-季節野菜盛合
-自家製壽喜燒汁
-日本蘭王蛋
-讚岐烏冬/飯
A5和牛用木盒裝住，有6片，
每一片都有保鮮紙獨立包好，
唔怕和牛會接觸到空氣太耐，
搞到變色氧化，可以慢慢影相。
侍應會先響綿花糖上加入壽喜燒汁，再慢慢攪拌，
綿花糖既甜度融哂落醬汁到，
之後再將和牛放入去烹煮。
淺嘗一片脂肪分布均勻既和牛，
脂肪甘甜既味道會響口中擴散，
牛味濃郁，肉質滑嫩有彈性，
而且點住蘭王蛋汁食特別好食。
食完和牛就到野菜盛合，
都幾足料，有娃娃菜、菇、豆腐、油揚、獅子狗&蟹柳，
新鮮又鮮甜，好多纖維，
岩哂最近減肥中既我。
我地另外仲點左牛舌、大蔥雞&芝士蕃薯串燒，
當中厚牛舌燒到有少少炭香味，幾鹹香；
小甜薯鋪滿芝士好邪惡。
餐廳燒好後會放響個小爐度暖住，
唔怕會變凍，都算幾貼心。
因為夜晚仲有大餐等緊我地，
美食呢家野係貴精不貴多，
所以就唔食到咁飽😌
张贴
