LAB EAT Restaurant & Bar (T.O.P This is Our Place)

营业中

休息中

昨晚同朋友去咗旺角T.O.P行街，剛巧差唔多晚飯時間，於是我哋走咗去商場5樓搵食，朋友想食西餐，於是就揀咗呢間餐廳探店。Dinner Set 👇🏻🔸 Starter ➰ 日式慢煮鮑魚鮑魚煮到好入味，但又好爽口兼彈牙，配上鮮甜嘅白蘿蔔，簡直係絕配。➰ 吞拿魚他他用迷你雪糕威化杯盛著鮮甜嘅吞拿魚他他，再加埋啲魚子醬，造型很討好，而且好好味。🔸 Soup➰ 忌廉蘑菇湯呢個湯嘅磨菇味好香濃兼夠晒creamy。🔸 Main Course➰ 豬斧頭扒配焦糖蘋果斧頭豬扒煎到好香，但肉質重好軟腍，配埋酸酸甜甜嘅焦糖蘋果醬，簡直係絕配。➰ 燒安格斯牛肉眼牛肉眼煎到外皮微脆，而裡面嘅肉質重保持到嫩滑多汁，脂肪分佈均勻兼夠香醇。🔸 Dessert➰ 綠茶蕨餅綠茶蕨餅有濃厚嘅綠茶香，兼好軟糯而又略帶彈性。🔺 2 Drinks➰ Magical Lychee呢杯飲品係打卡首選，而且荔枝味道香濃。➰ Fresh Fizz呢杯桑梅加薄荷梳打再加冧酒，酒味唔太濃，帶點酸甜。