影片
更多
2022-04-08
44 浏览
💎總評分：9.0/10-旺角一帶好多平靚正小店，呢間門面好熱血嘅日式餐廳特別吸睛👀，「丼燃」要入去一試啦！Menu顧名思義主打丼飯，出名超量大碗澎湃，N咁多個選擇，仲有個「丼燃係盲盒」嘅廚師自選食材丼，令有選擇困難症嘅小編揀咗好耐🙇🏻♀️。🚗 小店係地舖，如果對出條街有位都可以泊，但係唔建議停太遠，因為經常會抄牌，最近停車場可以泊家樂坊。1️⃣ 乜蟹都有丼 128經典丼飯價錢$118起，最貴「究極大大拖羅丼」都只不過係$248，午市仲有$50-$100嘅選擇。小編呢個蟹丼每日限量供應🦀，原隻蟹蓋、蟹棒、蟹鉗將成隻蟹還原喺飯上面，賣相驚艷🤩，蟹蓋下面舖滿蟹膏、蟹肉、蟹籽，份量果「燃」十足💪🏻！唯獨蟹丼配以自選醬汁，小編揀咗海膽醬，match反個海鮮主題，更能帶出蟹嘅鮮味🤤。2️⃣ 焦糖三文魚卷 $68店內另一必叫嘅係佢地嘅火焰卷物，一嚟到時店員會用火槍點火🔥，成隻碟燒著足足20多秒，夠晒時間慢慢打卡📸！講反味道，三文魚本身火炙過，加上少少焦糖味同沙律醬，水準好高嘅卷物👍🏻。3️⃣ 吉列蠔(2件)$22；海膽忌廉餅(2件)$28；蟹子沙律$28；蔥爆鵝肝多士(2件)$68小食種類大概有12款🍢，炸物全
-
旺角一帶好多平靚正小店，呢間門面好熱血嘅日式餐廳特別吸睛👀，「丼燃」要入去一試啦！
Menu顧名思義主打丼飯，出名超量大碗澎湃，N咁多個選擇，仲有個「丼燃係盲盒」嘅廚師自選食材丼，令有選擇困難症嘅小編揀咗好耐🙇🏻♀️。
🚗 小店係地舖，如果對出條街有位都可以泊，但係唔建議停太遠，因為經常會抄牌，最近停車場可以泊家樂坊。
1️⃣ 乜蟹都有丼 128
經典丼飯價錢$118起，最貴「究極大大拖羅丼」都只不過係$248，午市仲有$50-$100嘅選擇。小編呢個蟹丼每日限量供應🦀，原隻蟹蓋、蟹棒、蟹鉗將成隻蟹還原喺飯上面，賣相驚艷🤩，蟹蓋下面舖滿蟹膏、蟹肉、蟹籽，份量果「燃」十足💪🏻！唯獨蟹丼配以自選醬汁，小編揀咗海膽醬，match反個海鮮主題，更能帶出蟹嘅鮮味🤤。
乜蟹都有丼
$128
3 浏览
0 赞好
0 留言
乜蟹都有丼
$128
2 浏览
0 赞好
0 留言
乜蟹都有丼
$128
3 浏览
0 赞好
0 留言
2️⃣ 焦糖三文魚卷 $68
店內另一必叫嘅係佢地嘅火焰卷物，一嚟到時店員會用火槍點火🔥，成隻碟燒著足足20多秒，夠晒時間慢慢打卡📸！講反味道，三文魚本身火炙過，加上少少焦糖味同沙律醬，水準好高嘅卷物👍🏻。
焦糖三文魚卷
$68
1 浏览
0 赞好
0 留言
3️⃣ 吉列蠔(2件)$22；海膽忌廉餅(2件)$28；蟹子沙律$28；蔥爆鵝肝多士(2件)$68
小食種類大概有12款🍢，炸物全部即叫炸，嚟到時熱辣辣，尤其係海膽忌廉餅，提提大家一定要攤凍少少先食，因為佢真係一咬落去就會爆漿😋！入面雖然無實實在在嘅海膽肉但係有海膽味同埋好creamy👏🏻。鵝肝多士對小編嚟講太肥膩，不過鐘意食鵝肝嘅人應該會好like！
4️⃣ 桂花冷泡茶 $15
飲品方面除咗波子汽水，竟然仲有冷泡茶☕！食左咁多澱粉之後消下濟一流。
雖然呢一帶本來都充滿平靚正小店，但係以呢個價錢食到咁足料豐富又新鮮嘅刺身丼飯🍱，實在令人驚喜🥰！最重要嘅係色香味俱全，滿足到味覺🤤，同時有視覺上嘅享受，打卡一流，填肚亦一流，非常值得推介💯！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
张贴
