八木橋日式燒肉

营业中

休息中

呢間位於旺角嘅日式燒肉店八木橋，佢哋係香港首創嘅濕式熟成A5和牛。而佢哋有好幾款餐可以選擇，呢次我哋揀咗雨餐，皆因可以食埋霞、雲、雪其他幾個餐有既野食，仲因為依家成人仲有半價，簡直CP值極高。呢個餐有一塊嘅A5和牛西冷，多啲人就有多幾塊。呢塊真係見到都流哂口水，雪花好靚，分佈均勻，燒嘅時候啲油香四溢，食落有入口即化嘅口感。頭盤有薄切牛，牛肋，鮑魚，魚干及比目魚，牛肋嘅肉味好濃，比目魚燒到皮脆肉嫩，鮑魚彈牙爽口。佢哋任食嘅牛肉質素都好高，肉味香濃，又多肉汁，燒嘅時候滿滿嘅油脂香味，未食都好吸引。而我自己最欣賞香蔥薄切和牛，肥而不膩，仲有陣陣香蔥嘅香味，同牛肉味好夾。最後食完咁多和牛梗係要食甜品，呢度仲有HAAGEN DAZ雪糕，仲要係任食添。