火鍋撚 (染布房街) (已結業)

火鍋撚 @ 旺角其實都去過火鍋撚同Group其它品牌既餐廳…例如安安燒, WOFT...味道都唔錯。所以突然想打邊爐就黎左火鍋撚試下…火鍋撚位於安安燒樓上, 上到去原來地方唔係好大...不過生意都唔錯…全場爆滿…我地兩個人點左中間價位既牛肉, 餃子, 蝦丸拼花枝丸, 炸響鈴, 炸午餐肉, 魚腐和雜菜…等等。湯底就點左麻辣拼XX白湯... 麻辣湯就比較多香草嗰類野, 白湯就少少似藥膳湯…其實兩個湯我都覺得麻麻…應該個人喜好,。我都係比較鍾意大陸嗰種麻辣…或者簡單一個蕃茄薯仔湯。食材都算新鮮…不過每一樣都沒驚喜。牛肉都算濃味, 都稔。不過唔算好好食, 或者要叫d $4××會好d😮😮…響鈴就新鮮熱辣炸起, 不過實左少少…蝦丸都彈牙同有蝦味, 花枝丸就乜味都冇😒 ... 餃子同魚腐都一般。反而個腐竹糖水沙冰幾好味🙂🙂 整體黎講我就覺得好一般…而且價錢一d都唔平。環境都比較迫夾, 可能我又怕熱，全院滿座時冷氣唔太夠…我一路食一路標汗, 標到有幾檯人走左熄左爐先好d。最後…張單黎到時😱😱…或者呢d價位都已經係打邊爐散叫既新常態…諗諗下, 都係任食火鍋啱我多d😅😅