第三站

呢間位於旺角市中心嘅樓上Cafe環境舒適，食物質素高之餘，仲提供多款broadgane，啱晒同朋友一齊嚟食嘢傾計玩遊戲，輕鬆chill足成日！ 黑松露帶子鮮菌燴意大利飯 🍛黑松露香氣超濃郁，帶子煎得外脆內嫩，意大利飯creamy又入味，鮮菌增添口感，每一啖都充滿層次，大推！ 煙三文魚忌廉蕃茄醬扁意粉 🍝忌廉蕃茄醬酸甜平衡，煙三文魚鹹香惹味，扁意粉掛汁力強，食落好開胃，玩緊遊戲都忍唔住要偷食多幾啖！ 以下小食全單$200就可以半價啦✅蜜糖芥末蛋骨雞翼 🍗外皮香脆，蜜糖芥末醬甜中帶辣，雞翼肉質juicy邊玩邊食超爽！ 松露薯條 🍟即炸熱辣辣，松露醬份量慷慨，薯條脆口唔油膩，同朋友一齊share食，好快就清晒成籃！ 飲品方面花旗參蜜 🍯清潤滋補，甜度剛好；特濃朱古力 ☕️濃郁順滑，朱古力迷必點！飲住嘢玩遊戲，氣氛更加輕鬆～ 呢度仲有好多款紙板遊戲提供，由經典嘅《大富翁》🎩到刺激嘅《狼人殺》🐺都有，食物好味之餘，娛樂性十足，絕對係旺角聚會嘅好地方！一定會再encore！💯