霸王 · 烤鴨 · 小館

呢間小館真係幾抵食，$188就有一份，主打京川滬菜，環境大方得體，卡位舒服，成班朋友坐低慢慢傾計都冇問題。

必叫嘅北京烤鴨，皮香脆得嚟肉仲保持嫩滑，配埋京醬同薄餅，一啖一個完美組合。另一驚喜係豬油渣炒花椰菜，鑊氣十足又有層次，簡單炒都咁好味。仲有川味蠔鍋，麻辣湯底同蠔新鮮鮮甜，完全開胃；最後嘅孜然羊肉卷，外香內嫩，孜然味好重，啱晒重口味嘅朋友。

除咗出品正，服務態度亦好唔錯，出餐速度快。埋單約$535／2人，算係旺角市中心中菜嚟講真心抵。