霸王 · 烤鴨 · 小館

营业中

休息中

最近同朋友來到旺角朗豪坊，發現咗一間主打法式精緻裝潢又專注做 京川滬菜的中菜小館 —霸王·烤鴨·小館, 餐廳採用簡約杏色系設計，空間寬敞舒適，有卡座同圓枱，非常適合聚會聚餐, 以果木掛爐烤鴨為核心，嚴選肥嫩鴨胚掛爐即烤必食北京烤鴨🦆（1份）皮脆肉嫩，香氣十足，配上經典醬料一齊享用，口感超讚！每片鴨肉都好Juicy，令人難忘鮮雜果蝦球🦐 雞肉鮮嫩，外層微脆，配搭果味醬汁，味道清新不膩口，值得一試金不換蜜汁金薯牛柳粒🥩牛柳醬香濃郁，金菇鮮嫩，蜜汁甜味點綴，鹹中帶甜好驚喜芒芒椰椰🥤芒果椰香味道融合，甜而不膩，清爽滋味，非常適合飯後當甜品🎇霸王·烤鴨·小館 🎈旺角亞皆老街8號朗豪坊12樓12號舖

暑假就快結束，緊係要把握時間同囡囡出去食好西！今日我哋就去咗朗豪坊一間「霸王 · 烤鴨 · 小館」食烤鴨，重點係——免加一服務費！免茶位！仲有免費鴨骨湯任飲！ 性價比超高。餐廳主打京川滬菜系，集結北京烤鴨、川味麻辣同上海點心於一爐，款式多樣。裝修以杏啡色調為主，空間寬敞，有卡座同圓桌，風格簡約雅緻，好適合同家人朋友聚餐。而且位於旺角朗豪坊商場，地點超方便！北京烤鴨主角北京烤鴨絕對是全場焦點！採用傳統掛爐烤鴨工藝，嚴選肥嫩鴨胚，以果木烘烤，鴨皮金黃鬆脆，入口油香濃郁，油脂感豐富卻一點不膩。餅皮厚薄適中，即叫即蒸，包裹京蔥絲、青瓜、沙糖、山楂條，再蘸上鴨醬，一口咬落去，層次極豐富！鮮雜果蝦球蝦球份量十足，每隻蝦都彈牙鮮甜，搭配新鮮水果如火龍果、藍莓和士多啤梨，酸甜清新的果香完美中和了蝦球的濃郁京城燜紅燒肉肥瘦相間的肉質入口即化，燜得軟糯入味，醬汁濃郁而不過鹹，配飯一流！

🩷地點好方便，旺角中心～❤️有張靚枱，好鍾意睇街景食飯🤣🧡一入嚟已經有廚師喺度準備片皮鴨，即刻試左！果然好酥脆，而且鴨肉份量都唔少，仲可以追加配菜！薄餅仲有油紙分隔開，唔會黐埋一齊好貼心👍🏻配山楂條一流！💛有免費嘅鴨骨湯飲🤣好好味😋有鴨肉同埋有冬瓜！無限追加！佢應片咗好多隻鴨先有咁多鴨骨😂💚免服務費免+1，而且仲有一壺靚茶🤩🩵哈哈，放工食臭豆腐，正！佢嘅豆腐炸得外脆內軟，上枱即食非常熱辣辣！💙鍋燒酥羊腩，外皮脆卜卜，但因為有羊油，又唔會太乾太柴！💜檸香酸辣手撕雞反而唔係太突出到酸辣

首先一坐低就有壼茶, 帶有果香唔係一般中式茶，個人好鍾意同好驚喜烤鴨夠大份, 鴨肉嫩得嚟唔會太瘦太柴(烤鴨肥啲先好食), 配料足(麵醬，青瓜，山楂條，蔥白)，餅皮夠多, 仲有好多鴨皮，非常脆點少少砂糖食一流豬油炒飯香而唔會太油膩，裏面有唔少脆哨令味道畫龍點睛鍋包肉炸漿夠脆夠薄身，調味夠香口但汁可以再多啲仲叫左一杯飲品，朋友聚會三個人埋單500我覺得以餐廳環境, 地點，菜式同食物質素綜合嚟睇呢個價錢好抵，會帶屋企人再訪

夜晚跟朋友一共四人到旺角朗豪坊食片皮鴨，星期三晚上8:00排隊不到10分鐘就有位，估唔到店員都幾有禮貌同笑容，值得一讚，環境座位舒適😊一共點了7個餸，首先點了4碗湯（因為免費的🤭但數量有限）片皮鴨必食$188，一份都夠4人份量，皮燒得幾靚不會太油，肉唔會切得太厚👍🏻反而魚香茄子有驚喜，佢每一條茄子都有少少脆脆地，幾特別嘅做法，醬汁同平時有啲唔同，有少少酸酸地好似糖醋咁，送飯一流其他餸菜都正常水準，不過士多啤梨咕嚕肉就一般般4人最後埋單$840，平均每人$210都算合理抵食嘅

最近同朋友行經朗豪坊，見到「霸王 · 烤鴨 · 小館」門口標明免茶錢免加一，呢類餐廳喺香港真係好少見！睇埋餐牌，所有食物都好平民價，2個人決定試下，點知一試就真係覺得唔錯！片皮鴨一上枱就已經好吸睛！鴨皮賣相脆卜卜，食落去真係脆口又香，鴨肉嫩滑唔乾柴，仲配埋山楂條包住嚟食，感覺好開胃，超正！最細心係下面有個熱水保溫座，鴨餅同鴨肉都保持住暖暖的，唔會凍得快，食到最後都一樣美味👍🏻食到最後有啲濟，但可以免費茶飲黎解油膩感～另外，鴨肉湯好鮮甜一定要叫，可以免費飲添，暖笠笠好解渴。整體份量夠飽，2個人食晒都好滿足！呢間小館真係CP值唔錯！片皮鴨唔錯，服務貼心，無任何附加收費，埋單$188，仲無限食飯時間，食得舒服又唔趕。下次一定再黎試其他菜式，推介畀鍾意烤鴨嘅朋友可以試試～

門面經理態度極品！服務態度無人能及！難怪所有人都北上消費！佢有拎飛機制，但只有1-2人及3-4 人，5-6人需查詢！入座起計只可90分鐘！第一次問他話5人以上大枱只有一張，我只有2人在，因此在門口等朋友，朋友上來未見到我問他5人，他話無枱！然後我見佢等位機又未開，問佢5位無枱又唔開機，佢又話有枱！餐廳仲有枱既情況下唔會開機等位！但當時我地只有三位，2位朋友上緊來，所以在一旁等埋朋友上來再拎位！唔知係咪我地好蝦點？5位齊人即埋去想問佢拎位，佢話而家無位！我地前面有個女入快我地一步拎左張飛！！佢只係1人到左，叫5人位！1分鐘唔到…..餐廳無客人出來既情況之下，莊經理話：「5人而家有位」！！前面個小姐一個入左（其它4人未到）！我地5個人面面相覷！經理仲要一句「佢拎飛咪整張枱俾佢」，經理唔想俾枱我地唔緊要！可以出聲，唔好我地乖乖在門口等齊人去拎位先話無位拎飛！但1分鐘就話有位！然後俾左個未齊人既入！呢個等位系統需要有待改進！奇趣後話：呢間係集團式餐廳！餐廳經理竟然唔清楚公司電話及電郵！甚至不願意提供聯絡資訊！強烈要求公司提供員工培訓！提昇服務態度！

其實真係今時今日咁嘅服務態度冇禮貌態度惡劣，簡直係倒米冇人都90分鐘，以為自己好勁。支持香港飲食界，請問比咩服務，人人有工做，搵錢，唔滿就冇飛攞之後就冇枱咁樣有枱定冇枱可以你們公司對員工⋯⋯⋯利申我沒有上，支持香港飲食業但怎樣好，態度實在，是唔做本地人生意？是嗎食物有幾好食又如何，肯定真係好難會再來

叫咗片皮鴨同一個豬油炒飯 隻鴨仲有好厚嘅油脂 鴨皮賣相都麻麻哋 自己睇圖啦!以下係豬油炒飯豬油味唔係好覺得有，你當普通炒飯可以嘅炒飯，過得去片皮鴨 $188半隻 呢間嘢唔收+1都有茶俾你飲服務 係零 ,好彩冇收+1條氣順啲.兩個大人都食得飽二百幾蚊買單 價錢都幾實惠，好抵嘅.但對隻鴨有要求就可以揀第二間! 如果平平哋食餐飯 當茶餐廳服務 就冇要求有一樣嘢會讚佢嘅就係個鴨肉湯幾好味可以免費飲添 !所以價錢二百幾蚊有半隻鴨有一大碟炒飯 又有湯飲 都冇乜嘢講 除非你要求服務同隻鴨好食囉

門口見到免茶錢免加一，香港地好少見到呢類型嘅餐廳會咁做，睇下個餐廳，所有食物都唔貴，2個人決定試下。片皮鴨，黎到有驚喜，睇個賣相皮脆，食入口真係唔錯，仲配埋有山楂條包住黎食，感覺好開胃，一啲油膩感都無，仲要下面有個座保溫，令到果啲鴨餅同埋鴨肉都保持住溫度，唔會咁快凍，細心程度值得一讚👍🏻。鴨肉生菜可揀辣唔辣，梗係要個辣啦！用清爽嘅生菜包住鴨肉，黎食，真係第一次，開胃🤤。北京炸醬麵，麵條入口滑捋捋👍🏻炸醬味亦都非常好味。2個人埋單$344，真係無任何附加收費，仲要無限食飯時間👍🏻下次可以再黎

價錢算公道 啲野食都有水準 feel到係用心製作 簡單一個薯仔牛柳粒 都食到個薯仔係外脆內軟，唔係平時食到好粉嗰啲。呢間餐廳唔應該咁少客。第一次比好評餐廳 繼續加油～(^з^)