響旺角想食泰國菜，又想坐得舒服，每次都會諗起「青花」。餐廳位於The Forest商場一樓，環境整潔舒適，氛圍幾放鬆，啱晒約兩個人慢慢坐住傾計食嘢。
中午套餐嘅泰式炒金邊粉，金邊粉炒得好均匀，啲粉粒粒分明，口感爽口又有彈牙感，配料充足，味道層次好豐富，帶有啲微辣嘅惹味，唔會太搶但又夠醒胃，真係幾好味。
柚子大蝦沙律嘅蝦肉啖啖肉，彈牙又Juicy，柚子嘅酸甜味同沙律醬汁完美融合，令成碟沙律既有爽口嘅鮮甜感，亦帶少少清新感。
藍蝶花蟿肉菠蘿炒飯，炒飯嗰啲菠蘿香氣好自然，配合啲肉鬆，粒粒飯都炒到好香，味道入味，唔會太油膩，藍蝶花嘅色澤令整碟炒飯賣相靚靚，打卡一流。
蒜蓉炒椰䔧炒得嫩滑，帶有蒜香，食落好有口感，保持咗啲爽脆感，啖啖都係蒜蓉香，好冧。
龍眼桂圓茶，茶味甘甜帶有啲自然嘅龍眼香，飲落清涼又唔會過甜，，解膩又醒胃。
