至尊滿屋日本料理 (已結業)

食放題有一樣好處，就係咩都有得食，係一個聚會嘅好地方，所以今日朋友就約咗我去位於旺角瓊華中心的至尊滿屋日式放題！天氣炎熱，一入座之後我哋就立即去攞飲品消暑解渴，呢度嘅飲品種類好多，有紙包飲品、有罐裝飲品，更有不同啤酒選擇，更有蘋果酒和玫瑰酒。食放題第一樣嘢食點可以唔叫刺身,呢度嘅刺身非常新鮮同厚切，而且數量與我們在點菜紙上所寫的數量一樣，真係寫幾多嚟幾多，而且大頭蝦蝦膏特別多，油甘魚和吞拿魚非常肥美，帶子亦都十分鮮甜！呢度竟然有重量級海膽手卷,海膽好creamy，紫菜亦都好脆,細細舊手卷食完都唔會飽！壽司方面，我們點了黑松露吞拿魚壽司和鰻魚壽司，鰻魚加上濃濃的鰻魚汁非常好味！而串燒方面，我們叫了鮮甜多汁的燒菠蘿和鹽燒海蝦,海蝦非常爽口彈牙！而牛舌和羊架肉質嫩滑，沒有羊顫味，而且牛舌有牛味，唔錯！另外，更有昂貴食材冬菇花膠和咖喱蟹，咖喱蟹每分都有一隻蟹腳和蟹鉗，大滿足！其他小食包括天婦羅蝦、天婦羅南瓜、天婦羅蘆筍，一口芝士、芝麻雞翼等熱食，款款都好好食比目魚亦相當大嚿，有鹹香味，唔會太油！最後更有昂貴雪糕movenpick and Haagen Dazs 選擇！總括來講，呢間至尊滿屋食物