阿來泰式地道風味

营业中

休息中

📍阿來泰式地道風味🗺️旺角通菜街97號地舖去旺角拎完應援就喺附近搵食，見到呢間泰國餐廳價錢親民，好多人食就入去試下，原來店鋪有兩層～ 想講客人真係無停過，一枱接一枱😆⚡️泰式炸蝦餅 $88炸蝦餅分左六件，口感偏硬實，蝦味重🦐⚡️海南雞 例牌 $88海南雞雞油味幾香，大部分都起曬肉方便食用，配埋秘制醬汁😌⚡️泰式香芒蟹肉炒飯 $73炒飯有蟹肉同芒果，芒果嘅甜味加埋蟹肉嘅鮮好夾，飯亦唔會炒到太乾🥭🦀️⚡️泰式咸魚炒椰菜苗 $78揀左比較少食嘅椰菜苗，口感脆偏硬，下次可能揀返通菜😆 不過鹹魚炒係惹味嘅！😋⚡️椰汁三色冰 $25椰汁椰味濃郁，加埋一條條嘅三色啫喱增加口感，喜歡🥰