影片
更多
2024-07-29
658 浏览
👦🏻👧🏻去咗T.O.P商場行街順便食埋晚飯，好耐無嚟原來而家開咗咁多間餐廳。上到5樓見到呢間氣氛唔錯嘅西餐廳，室內環境雅致舒適，見到有唔少人喺度慶祝生日🎂。餐廳有室內同室外座位，有時室內會有live Band表演🎤，不過我哋去嗰日落雨，所以冇開放室內位置。坐低之後，店員會送上welcome drink🍹同餐包🥯，餐包有烘焗翻熱，上枱時暖暖地，麵包外脆內軟。🍞海膽多士 $136/2件多士烘到脆卜卜，加上滿滿鮮甜嘅海膽，一啖擺入口感覺好幸福😍！🍝卡邦尼扁意粉 $128卡邦尼醬汁濃稠掛汁，加上灑到滿滿嘅芝士粉，配上香脆鹹香嘅煙肉同脆卜卜嘅芝士脆片，令口感好豐富。🥩美國嘅佳級牛肉眼扒（350g） $488我地嗌咗五成熟，色澤粉嫩有汁，煎至香口軟腍，沾上附送嘅醬汁食，醬汁好香菇菌味，中和到牛扒嘅膩感。牛扒上面嘅蒜片炸到香脆可口，同牛扒好夾！🍵西村抹茶白朱古力慕絲配抹茶蛋糕入口抹茶味非常香濃，上層慕絲軟滑細膩，有啲似生朱古力嘅口感！下層抹茶蛋糕濕潤軟綿，喜歡抹茶嘅朋友仔一定要試吓呢款😍！🍹Creamy Lover $88香甜芒果汁、牛奶、酸甜菠蘿汁同橙汁混合一起，味道酸甜開胃，仲有菠蘿肉同橙做裝飾
🍞海膽多士 $136/2件
多士烘到脆卜卜，加上滿滿鮮甜嘅海膽，一啖擺入口感覺好幸福😍！
🍝卡邦尼扁意粉 $128
卡邦尼醬汁濃稠掛汁，加上灑到滿滿嘅芝士粉，配上香脆鹹香嘅煙肉同脆卜卜嘅芝士脆片，令口感好豐富。
🥩美國嘅佳級牛肉眼扒（350g） $488
我地嗌咗五成熟，色澤粉嫩有汁，煎至香口軟腍，沾上附送嘅醬汁食，醬汁好香菇菌味，中和到牛扒嘅膩感。牛扒上面嘅蒜片炸到香脆可口，同牛扒好夾！
🍵西村抹茶白朱古力慕絲配抹茶蛋糕
入口抹茶味非常香濃，上層慕絲軟滑細膩，有啲似生朱古力嘅口感！下層抹茶蛋糕濕潤軟綿，喜歡抹茶嘅朋友仔一定要試吓呢款😍！
🍹Creamy Lover $88
香甜芒果汁、牛奶、酸甜菠蘿汁同橙汁混合一起，味道酸甜開胃，仲有菠蘿肉同橙做裝飾，啱哂打卡阿！
🍹Fruit Punch $88
呢度用咗橙汁、菠蘿汁同石榴汁製成，石榴味道較突出，飲落好清爽。
📍 LAB EAT Restaurant & Bar (T.O.P This is Our Place) (旺角)
旺角彌敦道700號T.O.P This is Our Place 5樓502號舖
张贴
