段純貞牛肉麵XChatime (MOKO新世紀廣場)

营业中

休息中

新世紀段純貞環境幾好，寬敞好坐。招牌紅燒腱心牛肉麵，牛腱心燉得好冧，牛肉香味加上紅燒湯底，入味又帶少少麻辣感。手工麵條夠厚身，好Q好煙靭。胡椒湯酸菜豬腳麵，湯頭爽口帶微酸，酸菜鮮甜，胡椒味好重但啱啱好，豬腳肉好冧。鹽酥雞外脆內嫩，食落彈牙又不會太油膩。蒜醬油麥菜，炒得夠鑊氣，蒜香十足，入口爽口又帶微微蒜蓉味，保持到鮮甜原味，健康又開胃。配搭滷菜好啱，台式滷菜滷得入味，每一款蔬菜，豆干，雞脾菇都好入味，唔會太鹹，滷汁香濃，食落好冧。冬瓜薏仁特調清涼解膩；夏日水果，果味道清新。