福薈川菜 (已結業)

最近天氣凍好想食辣嘢，上次食嘅川菜唔錯，那就再encore啦。晚市宜家都幾full下，基本都係街坊幫襯。凍檸茶，檸檬味好香，茶味好濃郁，搭配辣嘢一流。川式回鍋肉，五花肉給得幾多下，每一件都大大件。肉肥瘦均勻，仲帶少少皮，食落口感好好。成碟餸鑊氣十足，配菜有椰菜，蒜苗，青紅椒等，好豐富。重慶毛血旺，在水煮牛肉同毛血旺中揀了好耐，最後還是揀咗毛血旺。估唔到送上來即刻有驚喜，除咗毛血旺經典配菜如毛肚，魷魚，豬血，午餐肉同大腸外，仲包埋牛肉。另外素菜仲有豆芽，豆泡同寬粉，量勁大勁豐富。牛肉同毛肚真係好嫩，超好味。午餐肉品質都唔錯，唔係全係麵粉果款。寬粉和豆泡嗦曬湯汁，麻辣鮮香，超好味。哩間餐廳真係平民食堂好選擇，放量大又好味！