影片
更多
2024-07-13
166 浏览
又放半日同爸爸媽咪去旺角食晏，先排去完大圍食完之後食過返尋味，去返九龍區再試吓佢嘅生煎包 今次因為已經係兩點過咗繁忙時間，所以唔使排隊旺角分店比大埔分店大，座位坐得舒服，最緊要係冷氣好夠對於而家夏天好緊要，都係用QR code落單，一入到去侍應已經好好笑容咁招呼我哋坐低🥢 上海排骨菜飯+生煎包一隻$54菜飯份量合適，熱辣辣，菜同飯嘅比例好平均，配埋酥脆嘅排骨好好食🥢 上海排骨湯麵+生煎包一隻$54爸爸叫菜飯，媽媽就叫麵，湯麵都好大碗，軟硬適中。水準同大圍一樣🥢 迷你雞絲酸辣湯+生煎包+ 豆漿$59酸辣湯偏酸唔太辣，各人有各人口味，呢個偏酸嘅酸辣湯非常適合我飲。🤗🤗招牌嘅生煎包真係每一口都爆汁，叫咗爸爸小心啲食，但係都係爆汁飛到對面媽媽件衫，都唔知好嬲定好笑🥢 手工豆沙窩餅 $28一如既往炸得非常香脆，滿滿嘅豆沙餡，好吃！我地3個人食左$195，份量啱啱好食得好滿足，特別一提，一開始招呼我哋嘅女侍應，全程都笑容滿面，無論對住整生煎包嘅師傅，同事，定係對住絡繹不絕嘅顧客，佢都保持笑容，好親切咁樣邀請顧客坐低，指導佢哋用QR code落單，同時佢對自己公司嘅生煎包都好有信心，佢見爸爸媽媽食得
又放半日同爸爸媽咪去旺角食晏，先排去完大圍食完之後食過返尋味，去返九龍區再試吓佢嘅生煎包 今次因為已經係兩點過咗繁忙時間，所以唔使排隊
旺角分店比大埔分店大，座位坐得舒服，最緊要係冷氣好夠對於而家夏天好緊要，都係用QR code落單，一入到去侍應已經好好笑容咁招呼我哋坐低
🥢 上海排骨菜飯+生煎包一隻$54
菜飯份量合適，熱辣辣，菜同飯嘅比例好平均，配埋酥脆嘅排骨好好食
🥢 上海排骨湯麵+生煎包一隻$54
爸爸叫菜飯，媽媽就叫麵，湯麵都好大碗，軟硬適中。水準同大圍一樣
🥢 迷你雞絲酸辣湯+生煎包+ 豆漿$59
酸辣湯偏酸唔太辣，各人有各人口味，呢個偏酸嘅酸辣湯非常適合我飲。
🤗🤗招牌嘅生煎包真係每一口都爆汁，叫咗爸爸小心啲食，但係都係爆汁飛到對面媽媽件衫，都唔知好嬲定好笑
🥢 手工豆沙窩餅 $28
一如既往炸得非常香脆，滿滿嘅豆沙餡，好吃！
我地3個人食左$195，份量啱啱好食得好滿足，特別一提，一開始招呼我哋嘅女侍應，全程都笑容滿面，無論對住整生煎包嘅師傅，同事，定係對住絡繹不絕嘅顧客，佢都保持笑容，好親切咁樣邀請顧客坐低，指導佢哋用QR code落單，同時佢對自己公司嘅生煎包都好有信心，佢見爸爸媽媽食得咁開心，仲好熱情咁同我哋講生煎包嘅皮同埋餡料都係每日新鮮製造，份量足，絕對係真材實料，佢仲話見到客人入嚟食得開心舒服佢就好開心，所以一見到有顧客喺門外佢就會即刻招呼佢哋入嚟，因為天氣實在太熱
呢位咁好嘅職員叫做阿玉，我爸爸話，呢間舖頭嘅老闆請咗佢真係好好彩，如果香港嘅食店服務員都可以好似佢咁，香港嘅飲食業就有救啦，而家喺香港食嘢除咗食物質素之外，其實好服務都係令人哋會不斷返轉頭嘅誘因，所以好推薦大家嚟食，服務一定唔會令大家失望
順帶一提，佢哋嘅豆漿都係新鮮自家製作，健康無添加，跟餐包埋大家可以試一試🤭🤭
张贴
