獅叔 (已結業)

新加坡辣椒炒蟹肉配炸饅頭 $168鋪滿蟹肉嘅辣咖喱，算係中辣嘅程度，非常惹味👍🏼 除咗青椒同洋蔥之外，都有好重嘅蕃茄味。呢個辣咖喱根本點咩食都好食🤣 份量都唔少，四個炸曼頭係唔夠候，可以嗌多碗白飯。馬來湯肉骨茶 $118有淡香嘅茶味同埋好濃嘅豬骨味，豬肉容易離骨，唔洗食到面容扭曲。入面重會有豆腐卜，金菇，炸羅勒葉同杞子，入哂味，唔錯唔錯。檳城大蝦粿炒$118面頭三隻開邊大蝦好大隻，口感鮮甜爽口。粿條炒得入味又乾身，再加埋蛋，豆芽同豆干一齊食，好食👍🏼咖央蘋果脆金寶配雪糕$78好大份😨，成件事係又咸又甜又凍又熱，好食得嚟又有啲刺激。特別欣賞佢面頭嘅炸椰絲，令到口感更加豐富。⼀球雪糕真係唔夠送，起碼要加多兩球。