大瀛喜日本料理 (已結業)

食日本料理價錢貴係人都知， 但係放題就唔同啦，一個價錢任飲任食， 而且又唔使自己諗食乜好， 睇menu就已經好多選擇， 所以今晚一於去食放題。旺角大瀛喜呢間算好就腳，行完朗豪坊可以順便過嚟，非常方便，這裡超多人排隊，最好預埋時間等位就醒目啦。一坐低緊係出去個凍櫃度攞咗兩罐汽水先， 呢度都好多飲品提供， 如果想飲酒嘅話仲可以加 錢購買清酒梅酒等佳釀。刺身總共有十多款選擇， 當中最正係三文魚， 夠曬新鮮肥美， 其次甜蝦都鮮甜美味。 壽司款最好嘅就係北海道鮮帶子壽司， 帶子大大隻， 壽司飯量都唔少， 所以都係唔好食咁多，以免飽得滯食唔到其他嘢。花之戀一定要食， 新鮮肥美的三文魚入口即溶口感好正。鍾意食呢一款和風帆立貝， 帆立貝肉身厚實飽滿，味道爽爽甜甜 ，醬汁美味， 點完再點。炸物只有幾款選擇， 一定不能錯過嘅係榴槤炸彈，夠曬邪惡吸引。天婦羅炸得香脆可口， 唔算太油膩，不過不失。黃金炒海蝦都好好味，海蝦上鋪滿金黃色蛋黃 醬，香口又美味。豉椒炒大蜆辣辣地夠惹味， 不妨一試。最後輪到食甜品，選擇多多， 每款細細件， 試多幾件都得， 正呀。