爆丼屋 (已搬遷) 新店位置

近排對丼飯充滿慾望，一星期食一次都重未厭！今次係星期六下午去，搵位非常輕鬆👐🏻我地叫左一個平少少嘅北海豐盛丼，飯嘅份量大到癲！女仔一定食唔哂一個！刺身有左口魚裙邊、海膽、帆立貝三文魚籽&赤蝦，都幾新鮮，三文魚籽無腥臭，粒粒脹卜卜海膽係加拿大海膽，而咁多種係略嫌赤蝦無咩蝦味！六重相撲爆盛丼就有左口魚裙邊、海膽、三文魚籽、墨魚籽、牛油果🥑&鮮蟹肉呢個同另外果個基本有3樣嘢重複，我同朋友無夾過叫，結果試得唔多刺身，情侶就唔建議好似我咁叫！呢個牛油果得幾粒，蟹肉唔突出& 墨魚籽好細堆，咁就食唔到同另一好大分別ಠ_ಠ近排丼飯我都係推返嵐橋，因為飯同刺身都非常細緻！